गाँजा खेतीलाई वैधानिकता दिन पहल गर्दै कृषि समिति

अर्थ र बाणिज्य

- न्युज नेपाल

काठमाडौं । प्रतिनिधिसभा अन्तर्गतको कृषि सहकारी तथा प्रकृतिक स्रोत समितिले कृषि मन्त्रालयको संस्थागत संरचना , कार्यसम्पादन र जिम्मेवारीको विषयमा आगामी बैंठकमा बोलाएर ब्रिफिङ लिने निर्णय निकालेको छ ।

आइतबार सिंहदरबारमा बसेको बैंठकले खाद्य स्वच्छता तथा गुण नियन्त्रणसम्बन्धी बिधयेकमा छलफलका लागि उपसमिति बनाउने निर्णय पनि भएको छ।

सांसद अमरबहादुर थापा , अनिता नेपाली , विनिता कठायत, सूर्यकुमारी श्रेष्ठ र माओवादी केन्द्रबाट एक जना सांसद बंगलादेश भ्रमणमा जाने बताईएको छ ।

नेपालको तराई तथा मध्यपहाडी क्षेत्रमा उत्पादन हुने गाँजा खेती बहुउपयोगी रहेकाले यसको उत्पादन, प्रशोधन र बिक्रिवितरण गर्ने कार्यलाई बैधानिक बनाउने सम्बन्धमा सम्बन्धीत निकायसँग थप छलफल गरी निष्र्कर्षमा पुग्ने निर्णय पनि समितिले गरेको छ । चालु आर्थिक वर्षका लागि औषधीलगायत प्रयोजनका लागि गाँजा खेती गर्न बजेट समेत व्यवस्था भएकाले यस्तो निर्णय गरिएको हो । नेपालमा १ लाख हेक्टर कृषियोग्य जमिन खाली रहेको थाहा पाएको अध्यक्ष राणले जानकारी दिदैँ सो जमिनको सदूपयोग गरेर किसानको जीवनस्तर सुधार गर्न सकिने धारण राखेकी थिइन् । सभापति राणले गाँजाखेती गर्न अर्थ मन्त्रालयले बजेट छुट्याउने तर गृह मन्त्रालयका व्यक्तिले गाँजाखेती खुला गर्नहुँदैन भन्ने गरेको बताउँदै यसबारे छलफल गरेर सरकारलाई निर्देशन दिनुपर्ने बताईन ।

यसैगरी राष्ट्रिय भूमि आयोगबाट सम्पादन हुने कार्यलाई व्यवस्थीत गर्न आयोगका अध्यक्षलागयतका पदाधिकारी र भूमि , सहकारी तथा गरिबी निवारण मन्त्रालयलाई समितिको अर्को बैठकमा बोलाएर छलफल गेर्ने निर्णय गरेको छ ।

नेपालको पश्चिम र सुदूरपश्चिम पहाडका कृषिमा आबद्ध जनता गरिब रहेको बताउँदै उनीहरुका बारेमा सोच्नुपर्ने बताईन । उनले नेपालको कार्बन व्यापारबारे आफुलाई चासो रहेको बताउँदै यसबारे वन मन्त्रालयबाट जानकारी लिने उल्लेख गरिन् ।