आजदेखि पोखराबाट सिम्रिक एयरको हेलिकोप्टर सेवा सुरु हुँदै

अर्थ र बाणिज्य

- न्युज नेपाल

पोखरा। सिम्रिक एयरले पोखराबाट आज बिहीबारदेखि हेलिकोप्टर सेवा सुरु गर्दैछ । सिम्रिक एयर प्रालिका पश्चिमाञ्चल प्रमुख कमल गौतमले नागरिकको आवश्यकता र मागलाई मध्यनजर गर्दै पोखरा विमानस्थलबाट हेलिकोप्टर सेवा सुरु गरिएको न्यूज नेपाललाई जानकारी दिएका छन् ।

यसअघि केही वर्ष पहिले पनि प्रालिले पोखराबाट हेलिकोप्टर सेवा पुर्याउँदै आएका थियो । तर कोरोना महामारी,जहाजको अभाव, पर्यटकको आगमनमा कमी, माउण्टेन फ्लाइटमा रोकलगायतका कारणले सेवा पुर्याउन सकेको थिएन ।

पोखराबाट चल्ने ६ सिटर हेलिकोप्टरबाट रेस्क्यू उडान, स्काइ डाइभिङ,माउण्टेन फ्लाइट अन्नपूर्ण बेस क्याम्प उडानलगायतका सेवा पुर्याइने जनाइएको छ । राम्रो गुणस्तरको डेल ४०७ नम्बरको हेलिकोप्टरमार्फत सेवा दिइने भएको हो । यस हेलिकोप्टरमा ठूलो झ्याल भएकाले मनोरम प्राकृतिक दृष्य एव विभिन्न हिमालको अवलोकन स्पष्ट रुपमा गर्न सकिने कम्पनीले जनाएको छ । अत्याधुनिक सुविधाहरुका साथ यो लक्जरिअस प्रकारको हेलिकोप्टर हो । पाँच सिटेको तुलनामा यस ६ सिटेलाई क्षमतावान हेलिकोप्टरका रुपमा लिइन्छ ।