ताजा समाचार

हात्ती आक्रमणबाट एक वृद्धको मृत्यु

समाचार
-
       

काठमाडौं । इलामको चुलाचुलीमा हात्ती आक्रमणबाट एक वृद्धको मृत्यु भएको छ । मृत्यु हुनेमा चुलाचुली गाउँपालिका–१ का ७३ वर्षीय राजकुमार राई रहनुभएको छ ।

सोमबार बेलुका गाउँ पसेका हात्ती खेदाउन जाँदा हात्तीको आक्रमणमा परी राई घाइते हुनुभएको थियो । घाइते राईलाई झापाको दमकस्थित लाइफलाइन अस्पताल लगिएको थियो ।

उपचारका क्रममा राईको गए राति साढे १० बजेतिर मृत्यु भएको प्रहरीले जनाएको छ । चुलाचुली–१ घर भएका राई वडा २ को निगुरेमा खेतीपाती गरी बस्दै आउनुभएको थियो ।

Comments

प्रकाशित मिति : 2024-10-15

अरु समाचार

© NewsNepal 2018 - All Right Reserved.
newsnepal.com 2017.hlon.org