ताजा समाचार

सप्तरीमा आगलागी हुँदा झण्डै ३४ लाख बराबरको धनमाल जलेर नष्ट

समाचार
-
       

काठमाडौं । सप्तरीको तिलाठी कोईलाठी ३ सकपुरामा गए राति आगलागी हुँदा तीन परिवारको घर सहित अन्दाजी मूल्य करिब ३३ लाख ७० हजार बढीको धनमाल जलेर नष्ट भएको छ ।

लामखुट्टे धपाउन स्थानीय नयनि यादवको घरनजिकै बालेको परालको घुरबाट आगो सल्कन गई आगलागी भएको सप्तरी प्रहरी प्रमुख एसपी केन्द्र खतिवडाले जानकारी दिए ।

आगलागीबाट नयनि यादव ,गोकर्ण मुखिया र लखन मुखियाको टिनले छाएको टाटी बेरा भएको घर अन्न–पात, लत्ताकपडा, भाँडा–बर्तन, काठ–पात, २ तोला सुन, चाँदी १ के।जी।, बाख्रा २ वटा समेत पूर्ण रुपमा जलेर नष्ट भएको एसपी खतिवडाले जानकारी दिए ।

उक्त आगलागी प्रहरी चौकी तिलाठीको टोली, सशस्त्र प्रहरी, राजविराज नगरपालिकाको दमकल, हनुमाननगर कंकालनि नगरपालिकाको दमकल र स्थानीय बासीहरूको सहयोगमा करिब २२स१५ बजे आगो पूर्ण रुपमा नियन्त्रणमा आएको र मानवीय क्षति नभएको एसपी खतिवडाले जानकारी दिए।

Comments

प्रकाशित मिति : 2025-03-10

अरु समाचार

© NewsNepal 2018 - All Right Reserved.
newsnepal.com 2017.hlon.org