ताजा समाचार

गिरुबारी खोलाको पुल बर्खाअघि नै मर्मत गरिने

अर्थ र बाणिज्य
- न्यूज नेपाल
       

काठमाडौं । सोमबार राति ओभरलोड सवारीको कारण भासिएको गिरुबारी खोलाको पुल बर्खाअगाडि नै मर्मत गरिने भएको छ ।

पूर्वपश्चिम राजमार्ग अन्तर्गत चोरमारामा रहेको पुल भाँचिए पछि सडक विभागले स्थलगत अनुगमन गरेर पुल मर्मतका लागि १५ दिन लाग्ने भएकाले तत्कालै काम सुरु गरेर बर्खाअघि नै यातायात सञ्चालनको तयारी गरेको जनाएको छ ।

चोरमारामा भित्री सडकबाट यातायात सञ्चालन भए पनि बर्खा सुरु भएपछि खोलाको सतह बढेर त्यो पनि बन्द हुने भएपछि मर्मतको काम तत्काल अगाडि बढाउन लागिएको हो ।

पूर्वी नवलपरासीको मध्यबिन्दु नगरपालिका–७, चोरमारास्थित गिरुबारी खोलाको पुल सोमबार राति भासिएको थियो ।

पुल भासिएको ठाउँमा डाइभर्सन बनाउन प्राविधिकरूपले नमिलेपछि चोरमारबाट उत्तर र दक्षिणका भित्री सडकबाट आवागमन खुला गरिएको छ ।

Comments

प्रकाशित मिति : 2025-05-14

अरु समाचार

© NewsNepal 2018 - All Right Reserved.
newsnepal.com 2017.hlon.org