हमासले बन्दी विपिनकाे परिवारले राष्ट्रपतिबाट पनि पाए आश्वसन…..

विश्व प्रवास

- न्युज नेपाल

काठमाडाैं । प्यालेस्टिनी समूह हमासले बन्धक बनाएका महेन्द्रनगरका विपिन जोशीका आमा र बहिनीले राष्ट्रपति रामचन्द्र पौडेलसँग भेटेर छाेराकाे रिहाइका लागि पहल गर्न हारगुहार गरेका छन् ।

इजरायलस्थित नेपाली दूतावासको समन्वयमा विपिनका आमा पद्मा जोशी र बहिनी पुष्पा जोशीले इजरायल पुगेर त्यहाँका राष्ट्रपति र प्रधानमन्त्रीलाई भेटेर फर्किएका जाेशीका अामा र बहिनीले अाज राष्ट्रपति पाैड्यललाइ भेटेका हुन् ।

इजरायलमा रहँदा त्यहाँका राष्ट्रपति, प्रधानमन्त्री तथा विभिन्न देशका राजदूतहरूलाई भेटेको र यो विषय अन्तर्राष्ट्रिय स्तरमा पुगेर विपिनको रिहाइका लागि थप पहल गरिदिन पनि आग्रह गरेर स्वदेश फर्किएका थिए ।

जवाफमा राष्ट्रपति पौडेलले विपिनको रिहाइका आफूले थप प्रयास गर्ने बताए । यस अघि जाेशीकाे परिवारले प्रधानमन्त्रीलाइ पनि भेटेका थिए । साे अवसरमा प्रधानमन्त्रीले पनि पहल गर्ने अाश्वसन दिएका थिए ।

विपिन इजरायलमा सन् २०२३ अक्टोबर ७ मा प्यालेस्टानी लडाकु समुह हमासले गरेकाे अाक्रमणका क्रममा अाक्रमणकारी समुहले बन्दी बनाएर लगेकाे थियाे । उनि हालसम्म पनि रिहाइ हुन सकेका छैनन् । उक्त घटनमा १० जना नेपालीको मृत्यु भएको थियाे ।