प्रतिशोधको भुङ्ग्रोमा कुलमानः विद्युत क्षेत्रका कर्मचारी धमाधम हटाउने काम शुरु

काठमाडाैं । प्रतिशोध नसाँध्ने, नियमित कामलाई नै निरन्तरता दिने दाबी गरेका अन्तरिम सरकारका ऊर्जा, सिँचाइ तथा जलस्रोतमन्त्री कुलमान घिसिङले पदको दुरुपयोगलाई तीब्रता दिन थालेका छन् ।

नेपाल विद्युत प्राधिकरणका कार्यकारी निर्देशक हितेन्द्रदेव शाक्यलाई जिम्मेवारीबाट हटाएका कुलमानले आफूलाई तत्कालीन सरकार केपी ओलीको नेतृत्वमा आफूलाई शून्य अंक दिने विद्युत् विकास विभागमा महानिर्देशक जीवछ मण्डललाई पनि हटाएका छन् ।

जीवछलाई हटाएर कुलनामले मनदेवी श्रेष्ठलाई जिम्मेवारी दिएका हुन् । मनदेवी यसै विभागकी उपमहानिर्देशक हुन् । जीवछलाई उनले जल तथा ऊर्जा आयोगमा सरुवा गरेका हुन् ।

केपी ओली नेतृत्वको सरकारमा विद्युत प्राधिकरणको महानिर्देशक रहेको बेला कुलनामले आफूले आफूलाई कार्यसम्पादन मूल्याङ्कनमा सत प्रतिशत अंक दिएका थिए । यो बेला जीवछले उनलाई शून्य अंक दिएर पठाएका थिए । जीवछले त्यो बला तत्कालीन ऊर्जामन्त्री दीपक खड्कालाई कार्यक्षेत्र बाहिर पुगेर सहयोग गरेका थिए भने अहिले कुलमानले त्यसको प्रतिशोध साँध्न जीवछलाई अहिले आफू पदमा आएपछि हटाएका हुन् ।

उसोतः जीवछले आगामी निर्वाचनसम्म आफ्नो तलवको ५० प्रतिशत राज्यलाई दिने घोषणा समेत गरिसकेका थिए । अब जिम्मेवारी खोसिएपछि के गर्छन भन्ने चासो समेत बढेको छ ।

यता, कुलमानले पहिलो चरणमा विद्युत क्षेत्रमा प्रतिशोधको डण्डा चलाउन थालेका छन् । यो क्रम विस्तारै राजनीतिक वृत्तमा समेत फैलिन सक्ने कतिपयले आंशका गरेका छन् । ६ महिने मन्त्रीकालमा आफूमाथि तलमाथि गरेकालाई ठेगान लगाउने अर्जुनदृष्टीसहित अघि बढेका कुलमानलाई प्रधानमन्त्री सुशीला कार्कीले रोक्लिन वा छाडा छाड्ने काम गर्लिन ? यो भने हेर्न लायक विषय बन्नेछ ।

उसोतः अघोषित लोडसेडिङ समेत हुन थालेको छ । बत्तिको ट्रिपिङ अत्यधिक बढ्दै गएको दाबी गरिएपनि दशैंको बेला बत्ति लामो समयसम्म जान थालेको छ । कुलमान बाहिरिएपछि लोडसेडिङ बढेको भन्दै हितेन्द्रदेव शाक्यमाथि तथानाम गरिएपनि कुलमान ऊर्जामन्त्री नै बनेर आएदेखि झन धेरै बत्ति जान थालेको हो । दशैंको मुखमा बत्ति जानेक्रम बढेपछि कसलाई गुनासो गर्ने भन्दै उपभोक्ताले भडास पोख्न थालेका छन् । पछिल्लो समय बत्ति जानेक्रम बढेको छ । अघोषित रुपमा लोडसेडिङकै अवस्थामा पुग्ने खतरा समेत बढेको छ ।

Comments