संवैधानिक आयोगका पदाधिकारी सराप्दै दुबई उडे प्राधिकरणमा डीजी प्रदीप अधिकारी

breaking news

- न्यूज नेपाल

काठमाडाैं । नेपाल नागरिक उड्डयन प्राधिकरणमा महानिर्देशक प्रदीप अधिकारी संवैधानिक आयोगका पदाधिकारीलाई लल्कार्दै दुबईका लागि उडेका छन् ।

जेनजी आन्दोलनका क्रममा समेत खतरामा परेका अधिकारीले विमानस्थलमा समेत संवैधानिक निकायका अधिकारीलाई सराप्दै हिडेको बताइन्छ ।

पूर्वप्रधानन्यायाधीश कल्याण श्रेष्ठका छोरालाई हेलिकप्टरमा सवार गराइरहने अधिकारी एयर शो मा सहभागी हुन भन्दै दुबई उडेका हुन् ।

नेपाली नागरिकलाई भिसा दिन आनाकानी गरिरहेको दुबईमा अधिकारी किन गए ? भ्रष्ट आचरणकाबीच पनि उनी किन दुबई गइरहन्छन् ? यस्ता तमाम प्रश्नको उत्तम जवाफ भने पूर्वप्रधानन्यायाधीश कल्याण श्रेष्ठलाई राम्रो थाहा भएको जानकार स्रोतहरुले भन्ने गरेका छन् ।

पोखरा क्षेत्रीय अन्तराष्ट्रिय विमानस्थल निर्माणमा भ्रष्टाचार भएको प्रतिवेदन दिने संसदीय समिति र अख्तियारका पदाधिकारीमाथि आक्रोश पोख्दै हिडेका अधिकारी विवादास्पद व्यवसायी दीपक भट्टका नजिकका साझेदार समेत मानिन्छन् ।

पूर्वप्रधानन्यायाधीश श्रेष्ठले अब आफू सरकारको नेतृत्वमा पुग्ने र पुनःनियुक्ति दिने बचन नै दिएको स्रोतको दाबी छ । उसोतः अधिकारीले अनाधिकृत रुपमा श्रेष्ठको परिवार र दीपक भट्टलाई पोस्न र खुशी पार्नका लागि हेलिकोप्टरको दुरुपयोग समेत गर्ने गरेको आरोप लाग्ने गरेको छ।