टर्किस एयरलाइन्सको विमानमा आगो, यात्रु सबै सुरक्षित

breaking news

- न्यूज नेपाल

काठमाडाैं । इस्तानबुलबाट आएको टर्किस एयरलाइन्सको विमान काठमाडौंको त्रिभुवन अन्तर्राष्ट्रिय विमानस्थलमा अवतरण गर्ने क्रममा आगलागी भएपछि दमकलको प्कोरयोग गरेर आगो निभाइएको छ ।

विमानको पाङ्ग्रातर्फ आगो देखिएपछि दमकल प्रयोग गरेर तुरुन्त नियन्त्रणमा लिइएको विमानस्थलले जनाएको छ। यात्रुहरूलाई इमर्जेन्सी ढोकाबाट सुरक्षित रूपमा उद्धार गरिएको थियो र सबै यात्रु सकुशल रहेका छन्।

विमानमा ४ बालबालिकासहित २७७ यात्रु सवार थिए र सबै सुरक्षित रहेका छन्। घटनापछि विमानस्थल सुरक्षा तथा प्राविधिक टोलीले आगलागीको कारणबारे अनुसन्धान सुरु गरेको जनाएको छ।

धावनमार्गमै रहेको विमानलाई प्राविधिले अध्ययन गरेपछि पन्छाइएको छ। केहिबेर विमानस्थल बन्द हुन पुगेको थियो भने अहिले विमानस्थल सुचारु भइसकेको छ।

यो सन् २०२६ भित्र काठमाडौंसँग सम्बन्धित टर्किस एयरलाइन्सको दोस्रो ठूलो प्राविधिक आपत्कालीन घटना हो। यसअघि फेब्रुअरीमा काठमाडौंबाट इस्तानबुल जाँदै गरेको उडानको दाहिने इन्जिनमा टेकअफपछि आगोको संकेत देखिएपछि विमानलाई कोलकाता डाइभर्ट गरिएको थियो। त्यस घटनामा पनि सबै यात्रु सुरक्षित थिए।