कान्स फिल्म फेस्टिभलमा नेपाली फिल्मको ऐतिहासिक उपलब्धि : सुनिता डंगोल

राजनीति

काठमाण्डौ – काठमाण्डौ महानगरपालिकाकी कार्यवाहक मेयर सुनिता डंगोलले कान्स फिल्म फेस्टिभलमा नेपाली फिल्मको सहभागिता र सफलता नेपालको सिर्जनशील क्षेत्रका लागि ऐतिहासिक कोसेढुङ्गा भएको बताउनुभएको छ ।

फ्रान्सबाट स्वदेश फर्किएपछि उहाँले विमानस्थलमा भ्रमण र उपलब्धिबारे जानकारी दिनुभयो । इतिहासमै पहिलो पटक नेपाली फिल्म ‘अन सर्टेन रिगार्ड’ विधामा छनोट हुनु गौरवको विषय भएको उल्लेख गर्दै डंगोलले निर्देशक अविनाशविक्रम शाहको टोलीले जुरी प्राइज जितेकोमा बधाई दिनुभयो ।

आउँदो फिल्म महोत्सवका लागि सम्पदा तथा पर्यटन समिति, सूचना प्रविधि विभाग र प्रशासन विभागको समन्वयमा छुट्टै टोली परिचालन भइसकेको छ । महोत्सवलाई काठमाण्डौको इकोसिस्टम र संस्कृतिसँग जोडेर प्रवर्द्धन गरिने महानगरले जनाएको छ ।

कार्यवाहक मेयर डंगोलले यो भ्रमणले काठमाण्डौलाई ’क्रिएटिभ सिटी’का रूपमा विश्वसामु चिनाउन र अन्तर्राष्ट्रिय शहरहरूसँग सहकार्यको ढोका खोल्न मद्दत पुगेको विश्वास व्यक्त गर्नुभयो ।