ताजा समाचार

सुनसरीमा भ्यान दुर्घटना: २ जनाको मृत्यु, एक घाइते

समाचार
-
       

इटहरी। सुनसरीको इटहरीमा विद्युत कार्यालय धरानको भ्यान दुर्घटना हुँदा दुई जनाको मृत्यु भएको छ । एक जना घाइते भएका छन्। सोमबार राति इटहरी उपमहानगरपालिका–२० स्थित कोशी लोकमार्गमा उत्तरबाट दक्षिणतर्फ जाँदै गरेको बा १ ञ १६५१ नम्बरको भ्यान आफैं अनियन्त्रित भई दुर्घटनामा परेको इलाका प्रहरी कार्यालय इटहरीले जनाएको छ।

दुर्घटनामा भ्यान चालक धरान उपमहानगरपालिका–१३ निवासी ३२ वर्षीय बिर्खबहादुर राई र धरान उपमहानगरपालिका–१६ निवासी ४९ वर्षीय सुमन आचार्यको मृत्यु भएको प्रहरीले जनाएको छ। गम्भीर घाइते भएका दुवै जनाको बीपी कोइराला स्वास्थ्य विज्ञान प्रतिष्ठान, धरानमा उपचारका क्रममा मृत्यु भएको हो।

दुर्घटनामा घाइते भएका धरान उपमहानगरपालिका–२० निवासी ३२ वर्षीय पवन राईको बीपी कोइराला स्वास्थ्य विज्ञान प्रतिष्ठान, धरानमा उपचार भइरहेको प्रहरीले जनाएको छ। प्रहरीले दुर्घटनाको कारणबारे थप अनुसन्धान गरिरहेको छ।

 

Comments

प्रकाशित मिति : 2026-07-14

अरु समाचार

© NewsNepal 2018 - All Right Reserved.
newsnepal.com 2017.hlon.org