भृकुटीमण्डपमा ‘यामाहा ब्लु फेस्ट’: १० लाखसम्म क्यासब्याकदेखि अन–द–स्पट फाइनान्सिङसम्म

काठमाडौं ।  काठमाडौंको भृकुटीमण्डपमा यही असोज १० गते शनिबारसम्म यामाहाको ‘ब्लु फेस्ट’ सञ्चालन हुँदैछ। नेपालका लागि आधिकारिक वितरक MDW राइड्स प्रालिले असोज ५ गतेदेखि १० गतेसम्म ‘द बिगेस्ट एक्सचेन्ज मेला’का रूपमा ब्लु फेस्ट आयोजना गरेको हो।  छ दिनसम्म चल्ने  फेस्टमा ग्राहकले आफ्नो पुरानो मोटरसाइकल वा स्कुटर एक्सचेन्ज गरेर नयाँ यामाहा मोटरसाइकल तथा स्कुटर खरिद गर्न सक्नेछन्।

कम्पनीका अनुसार पुराना दुईपांग्रे सवारीसाधनको मूल्यांकनका लागि ५० भन्दा बढी भ्यालुएटर परिचालन गरिएको छ। अर्थात्, आफ्नो पुरानो सवारीको मूल्यांकन गराउन चाहने ग्राहकका लागि मेलामै मूल्यांकनको व्यवस्था गरिएको छ। अझ आकर्षक कुरा—पुरानो सवारी एक्सचेन्ज गरेर नयाँ यामाहा खरिद गर्ने ग्राहकले १० लाख रुपैयाँसम्म क्यासब्याक पाउन सक्नेछन्।

साथै, पुरानो सवारीको अधिकतम मूल्यांकन, टप–अप र फाइनान्सिङ सुविधालाई पनि फेस्टमा प्राथमिकता दिइएको छ। फाइनान्सिङतर्फ पनि ग्राहकका लागि तत्काल सुविधा उपलब्ध हुने कम्पनीको भनाइ छ। नागरिकताका आधारमा फाइनान्सिङ, १ प्रतिशत सर्भिस चार्ज र ४० महिनासम्मको कम EMI योजना उपलब्ध हुने बताइएको छ। ब्लु फेस्टमा यामाहाका विभिन्न मोडल अवलोकन गर्न मात्र होइन, टेस्ट राइड गर्न पनि सकिनेछ। मेलामा उपलब्ध यामाहा मोटरसाइकल तथा स्कुटरको मूल्य २ लाख ८४ हजार ९ सयदेखि ७ लाख ४९ हजार ९ सय रुपैयाँसम्म रहेको कम्पनीले जनाएको छ।

त्यसैगरी, यामाहाको ‘चंगा चेट’ अभियानअन्तर्गतका अफर पनि ब्लु फेस्टमा लागू हुनेछन्। टेस्ट राइड, डोर प्राइज र लक्की ड्रमार्फत ग्राहकले हाइटेक ग्याजेटलगायत विभिन्न पुरस्कार जित्ने अवसरसमेत पाउनेछन्। मेलामा निःशुल्क एसेसरिज, स्टन्ट शो तथा राइडर, क्रिएटर र सेलिब्रेटीसँग भेटघाटका कार्यक्रम पनि राखिएका छन्।

यसैबीच, ब्लु फेस्टकै क्रममा यामाहाले आफ्नो नयाँ मोडल ‘FZ–X’को निलो संस्करण सार्वजनिक गर्ने तयारी गरेको छ। कम्पनीका अनुसार असोज ७ गते साँझ ५ बजे नयाँ संस्करण विशेष कार्यक्रमबीच सार्वजनिक गर्ने तालिका तय गरिएको छ ।

यामाहाका ब्रान्ड एम्बेसडर अभिनेता अनुपविक्रम शाहीले यामाहासँग आफ्नो सम्बन्ध विश्वास र निरन्तरतासँग जोडिएको बताएका छन्। उनले लामो समयदेखि यामाहा प्रयोग गर्दै आएको उल्लेख गर्दै ब्लु फेस्टले दशैँको अवसरमा ग्राहकलाई नयाँ मोटरसाइकल खरिद तथा अपग्रेड गर्ने अवसर दिने बताएका छन्।

यता, यामाहा नेपालका आधिकारिक रेसर श्रीहरि पौडेलले आफूले सन् २०१९ देखि यामाहा प्रयोग गर्दै आएको बताएका छन्। उनका अनुसार रेसिङमा उनको सुरुवाती रोजाइ यामाहाको आर–१५ थियो।

त्यसैले, पुरानो दुईपांग्रे एक्सचेन्ज गर्ने, नयाँ यामाहा चढ्ने वा फाइनान्सिङमार्फत बाइक तथा स्कुटर खरिद गर्ने योजना बनाउँदै हुनुहुन्छ भने—काठमाडौंको भृकुटीमण्डपमा जारी यामाहा ब्लु फेस्ट तपाईंका लागि उपलब्ध एउटा विकल्प हो। एक्सचेन्जदेखि फाइनान्सिङसम्म, टेस्ट राइडदेखि नयाँ मोडलको अनुभवसम्म—यामाहा ब्लु फेस्ट असोज १० गते शनिबारसम्म सञ्चालन हुनेछ।

Comments