सन्दीप लामिछाने विश्वका उत्कृष्ट क्रिकेटरको सूचीमा

खेलकुद

काठमाडौं । नेपाली युवा क्रिकेटर सन्दीप लामिछाने विश्वका उत्कृष्ट क्रिकेटरको सूचीमा परेका छन् । १६ बर्षीय सन्दीप विश्वका उत्कृष्ट ३० युवा क्रिकेटरको सूचीमा परेका हुन्।

क्रिकेटसम्बन्धी अनलाइन ‘अल आउट क्रिकेट’ले सन्दीपलाई विश्वका ३० उत्कृष्ट क्रिकेटरको ३० नम्बर सूचीमा राखेको छ।

विश्वका क्रिकेट सम्बन्धी लेखकको मतका आधारमा उक्त अनलाइनले उत्कृष्ट क्रिकेटरको सूची सार्वजनिक गरेको हो।
प्रसिद्ध बेलायती क्रिकेट म्यागजिन अलआउट क्रिकेटले तयार पारेको विश्वभरका उत्कृष्ट युवा खेलाडीहरुको सूचीमा नेपालका सन्दीप पनि परेका हुन्।

अलआउटले उनको विवरण आफ्नो वेवसाइटमा राख्दै सन्दीप आगामी यारिस शाह भएकोसमेत उल्लेख गरेको छ।

लेग स्पिन बलिङ गर्ने सन्दीपसँग धेरै ट्रिक्स भएको पनि साइटमा उल्लेख छ। उसले विश्व क्रिकेटमा आफ्नो नाम चिनाइसकेका र प्रभाव पार्न सक्ने २२ वर्ष भन्दा कम उमेरका खेलाडीहरुको सूची तयार पारेको हो।

अष्ट्रेलियन लेजेण्ड स्पिनर शेन वार्नलाई आफ्नो आदर्श मान्ने सन्दीपलाई अर्का अष्ट्रेलियन खेलाडी माइकल क्लार्कलाई प्रभावित गर्न सफल भए। अनी उनै वान डे वर्ल्ड कप विनिङ कप्तानको निमन्त्रणमा अष्ट्रेलियाको प्रिमियर ग्रेड क्रिकेट क्लब वेस्टर्न सबर्बबाट खेले, क्लार्क एकेडेमीमा प्रशिक्षण लिए। ‘सन्दीपसँग प्रतिभा छ, यसमा कुनै शंका छैन’ क्लार्कको भनाई उल्लेख गर्दै अलआउट क्रिकेटले लेखेको छ।