ताजा समाचार

आफ्नै २ वर्षकी भतिज हत्या गरेको आरोपमा काका पक्राउ

समाचार
-
       

सिरहा, २८ बैशाख ।  आफ्नै भतिजको हत्या गरेको आरोपमा काका पक्राउ परेका छन् । मिर्चैया प्रहरीले सिरहाको नरहा ३ खोरियाका भरोसी यादवका दुई वर्षिय छोरा रमनको हत्या गरेको आरोपमा भरोसीका माइला भाई २८ बर्षीय सुरेश यादबलाई पक्राउ गरेको हो ।

गत बुधबार बेलुका घरबाटै बेपत्ता भएका बालकको हत्यापछि खाल्डो खनेर गाडिएको अवस्थामा शुक्रबार साँझ शब फेला परेको इलाका प्रहरी कार्यलयका प्रहरी नायब उपरिक्षक गजुसिद्धि बज्राचार्यले जानकारी दिए । पक्राउ परेका सुरेशले आफुले भतिज रमनको हत्या गरेको स्वीकार गरेको प्रहरीको भनाई छ ।

पक्राउ सुरेशमाथि कर्तव्य ज्यानमुद्धा चलाइएको छ ।बालक हराएपछि अचेत अवस्थामा रहेकी बालककी आमा २८ वर्षिय निराकुमारीको अहिलेसम्म होस खुलेको छैन भने पुरै गाउँ शोकमग्न भएको छ । यता, सुरेश मानसिक रोगी रहेको उनको परिवारले जनाएको छ ।

Comments

प्रकाशित मिति : 2017-05-11

अरु समाचार

© NewsNepal 2018 - All Right Reserved.
newsnepal.com 2017.hlon.org