ताजा समाचार

बाँकेमा तीब्र गतिका दुई मोटरसाइकल ठोक्किँदा एक जनाको मृत्यु

समाचार
-
       


नेपालगञ्ज, ८ जेठ । बाँकेमा दुई मोटरसाइकल एक आपसमा ठोक्किदाँ एक जनाको ज्यान गएको छ । भने दुई जना घाइते भएका छन् । तीव्र गतिमा रहेका दुई मोटरसाइकल बाँकेको पुष्पलाल चोक नजिकै प्रहरी गुल्मको अगाडि दुर्घटना भएको प्रहरीले जनाएको छ । दुर्घटनामा नेपालगन्ज–४ का १८ वर्षीय अभिशेष सिंह सिजापतिको ज्यान गएको छ ।

आइतबार राति पौने १० बजेतिर गुल्म पछाडिबाट सुर्खेतरोडमा निस्कदै गरेको भे ५ प ६५२६ नम्बरको मोटरसाइकल र धम्बोझी चोकबाट पुष्पलाल चोक जाँदै गरेको भे ७ प ११११ नम्बरको मोटरसाइकल आपसमा ठोक्किएका थिए ।

तीव्र गतिमा रहेका दुबै मोटरसाइकल आपसमा ठोक्किदा भे ५ प ६५२६ नम्बरको मोटरसाइकल चालक सिजापतिको ज्यान गएको हो । घाइते सिजापतिको उपचारको क्रममा नेपालगन्ज नर्सिङ होममा उपचारको क्रममा मृत्यु भएको प्रहरीले जनाएको छ ।

Comments

प्रकाशित मिति : 2017-05-22

अरु समाचार

© NewsNepal 2018 - All Right Reserved.
newsnepal.com 2017.hlon.org