ताजा समाचार

मकवानपुरको मनहरिमा बस र ट्रिपर ठोक्किँदा दुईजनाको मृत्यु, ११ घाइते

समाचार
-
       

मकवानपुर, १७ जेठ । मकवानपुरको मनहरिमा बस र ट्रिपर एक आपसमा ठोक्किँदा दुई जनाको ज्यान गएको छ । मनहरि गाउँपालिका वडा नम्बर ६ मा बस र ट्रिपर ठोक्किँदा दुईजनाको ज्यान गएको हो । दुर्घटनामा परी ११ जना घाइते भएका छन् । ज्यान गुमाउनेमा संखुवासभाका २९ वर्षका केशबहादुर लाभा र भारत कमैयाका ३० वर्षका मोहम्मद सलाउद्दिन रहेका छन् ।

काठमाडौंबाट झापाका लागि छुटेको ना ५ ख ६१२३ नम्बरको बस र हेटौंडाबाट चितवनतर्फ छुटेको ना ४ ख ८३ नम्बरको ट्रिपर ठोक्किएको हो । दुर्घटनामा ज्यान गुमाउने दुवै जना र घाइतेहरु बसका यात्रु रहेका प्रहरीले जनाएको छ । घाइते ११ जनाको भरतपुर अस्पतालमा उपचार भइरहेको छ ।

Comments

प्रकाशित मिति : 2017-05-31

अरु समाचार

© NewsNepal 2018 - All Right Reserved.
newsnepal.com 2017.hlon.org