२० वर्षीया ओस्टापेन्कोले ग्राण्डस्लाम च्याम्पियन जित्दै इतिहास रचिन

खेलकुद

काठमाडौं, २८ जेठ । २० वर्षीया जेलेना ओस्टापेन्कोले ग्राण्डस्लाम फ्रेन्च ओपनको उपाधि जितेर इतिहास रचेकी छन् । शनिवार भएको फाईनल खेलमा लात्भियाकी जेलेनाले रोमानियाकी सिमोना हालेपलाई ४-६, ६-४ र ६-३ को सेटमा पराजित गर्दै उपाधी जितेकी हुन् । ओस्टापेन्कोले ५४ औं ग्राण्डस्लाम बिजेताको रुपमा आफ्नो सपना पूरा गरिन् ।

‘मलाई हमेसा यो मौका थियो कि मैले बललाई निक्कै मुस्किलले प्रहार गर्न सक्छु ।’ ओस्टापेन्कोले भनिन्, ‘यदि मैले यस्ता सटका लागि मौका पाएँ भने म अवश्य कोसिस गर्नेछु ।’ उनी सन् १९३३ पछि फ्रेन्च ओपन जित्ने उनी पहिलो बिना बरियाताकी खेलाडी हुन् ।

टेनिसका प्रमुख चार प्रतियोगितामा उनको यो आठौं सहभागिता थियो । २००४ मा विम्बल्डनको उपाधि जितेर, थोरै सहभागितामा मूख्य उपाधि जित्नेमा रुसी सुन्दरी मारिया सारापोभा पहिलो नम्बरमा पर्छिन । प्रतियोगिता सुरु हुनुअघि उनको उपाधि जित्ने सम्भावना १०० मा १ थियो । शानदार फाइनलपछि उनी विश्व वरियाताको ४७ औं स्थानबाट १२ औं स्थानमा पुगेकी छन् ।

उनले सात खेलमा २९९ विनिङ प्वाइन्ट लिएकी थिइन्, जसले रोनाल्ड ग्यारोसमा उपस्थितहरुको ध्यान आकषिर्त गरेको थियो र उनीहरुले शनिबारकाृ जितमा उनलाई खुलेर साथ दिए । ‘कसैले मलाई सिकाएको छैन, सिर्फ म जुन तरिकाले खेल्छु लाग्छ, मेरो चरित्र नै यस्तै हो । वास्तवमै म बललाई प्रहार गर्न चाहन्छु ।’ ओस्टापेन्कोले भनिन् ।

फ्रेन्च ओपनको फाइनलमा पुग्ने क्रममा ओस्टापेन्कोले ओलम्पिक च्याम्पियन मोनिका पिग, पूर्व फाइनलिष्ट साम स्तोसर, पूर्व नम्बर एक क्यारोलिन वाज्नियाकी, दुई पटककी सेमिफाइनलिष्ट तिमिया बाक्सिन्स्कीलाई हराइन् ।

तर २०१४ कि उपबिजेता, हलेपबिरुद्धको फाइनलको अन्तिम क्षणसम्म पनि यी लात्भियाली सुन्दरीले सोचेकी थिइनन् कि उपाधि आफूले जित्छु भनेर । ‘मेरो बिचारमा तेस्रो सेटमा ५-३ को अग्रता लिएपछि मात्र मैले सोच्न थालेँ कि म उपाधि जित्न सक्छु ।’ उनले भनिन्, ‘त्यसभन्दा अघि त मैले सोचेकै थिइनँ, म मात्र एक एक स्टेप गरी अघि बढिरहेँ ।’