इटली विश्वकपमा छनोट हुन असफल, गोलकिपर बुफोनले रुँदै सन्यास लिए

खेलकुद

काठमाडौं, २८ कात्तिक । इटली रुसमा हुने विश्वकप फुटबलमा छनोट हुनबाट असफल भएको छ । गएराति भएको प्लेअफको दोस्रो लेगमा स्वीडेनसँग गोलरहित बराबरीमा रोकिएपछि उसको विश्वकप यात्रामा पूर्णविराम लागेको हो । इटलीले १९५८ पछि पहिलोपटक विश्वकप गुमाएको हो ।

योसँगै इटलीका गोलकिपर बुफोनले अन्तर्राष्ट्रिय फुटबलबाट बिदा लिएका छन् । अन्तिम पटक विश्वकप खेल्ने योजना बनाइरहेका बुफोनले उनको राष्ट्र इटली नै विश्वकपमा छनोट हुन नसकेपछि सन्यास लिएका हुन्। बफोनले सन् २००६ मा इंटलीका लागि विश्वकप विजेता थिए।

‘यो दुःख छ की मेरो अन्तिम खेलमा विश्वकपका लागि छनोट हुन नसक्नु संयोग गरह्यो।’ ३९ वर्षे बफोनले भने। बफोनसँगै उनको युभन्ट्स सहकर्मी आन्द्रे बार्जाली र रोमा मिडफिल्डर डयानिएल डे रोसीले पनि सन्यास घोषणा गरेका छन्।

दुई दशक लामो करियरमा बुफोनले इटलीका लागि १७५ खेल खेलेका छन्। उनी इटलीका लागि सर्वाधिक खेल खेल्ने खेलाडि समेत हुन्। बफोनले सन् १९९७ मा रुस विरुद्ध इटलीका लागि डेब्यु गरेका थिए।