डोल्पा ठूलीभेरी नगरपालीकाको आर्थिक वर्ष ०७५÷७६ का लागि झण्डै २९ करोड बजेट पारित

डोल्पा २९, असार । आगामी आ.व. २०७५÷७६ को लागि ठूलीभेरीको नगरपालीकाको नीति तथा कार्यक्रमहरु प्रस्तुत भएको छ । नगरसभाले कृषि, शिक्षालाई उच्च प्राथमिकता दिदै २८ कारोड ९१ लाख ८५ हजारको बजेट प्रस्तुत गरेको छ ।

कृषि सम्वन्धि नीति तथा कार्यक्रममा एक घर एक फलफूल बगैचा लाई अनिवार्य गरिएको छ साथै विरुवाहरुमा आत्म निर्भर गराउनका लागि नर्सरीहरुलाई अनुदान, अर्गानीक कृषिलाई प्राथमिकातामा राखी कृषि पर्वद्धनका लागि नगर भित्र रहेका होटलहरुमा अनिवार्य स्थानिय खानाको मेनु राख्नुपर्ने साथै युवाहरुलाई कृषि जन्य उत्पादन, उद्योगका लागि सहुलियत ऋणको ब्यवस्था र जुनसुकै कृषि उपज बजारीकरणकालागी ७५ प्रतिशत सम्म सहुलीयत ढुवानी अनुदानको ब्यवस्था नीति तथा कार्यक्रममा समावेश गरिएको छ ।

न्यून अवस्थाका कृषकहरुलाई प्रोत्साहान, उत्पादन अनुदानको ब्यबस्था, कृषक र कृषकको सुरक्षाका लागि पशु विमा, फलफुल विमा, कृषक विमामालाई अनिवार्य गर्नुका साथै बाँजो जमिनलाई अतिरिक्त कर लगाएतका योजना पारित गरिएको छ ।

शिक्षा तथा खेलकुद सम्बन्धि नीतिमा नगरपालीकालाई शैक्षिक केन्द्रको रुपमा विकास गरिने र मानविकी, विज्ञान संकायको पढाइ हुने क्याम्पस संचालनको लागि पहल गरिने, नगरपालीका भित्र उत्कृष्ट प्रा.वि र मा.वि, उत्कृष्ट नतिजा ल्याइ जिल्ला टप, नगर टप गर्ने विद्यार्थीलाई पूरष्कृत गरिने, नगरस्तरीय शैक्षिक कार्यक्रमहरु संचालन गरिने, जाडो विदा घटाइने, विद्यालय भर्ना अभियान सहित शिक्षक, जन प्रतिनिधि घरदैलो अभियानमा जानुपर्ने, क्भ्भ् को तयारी कक्षाका लागि शिक्षकहरुलाई अतिरिक्त तलब भक्ताको ब्यबस्था गर्ने र विद्यार्थी बाट ट्यूसन बापत कुनैपनि रकम लिन नपाइने नीतिका साथै आधारभुत तहमा अनिवार्यरुपमा अङ्ग्रेजी शिक्षा लागु गरिने, नगरभित्र प्याराफिट सहितको जील्ला स्तरको खेलमैदान निर्माण गरिने योजना ल्याएको छ ।

वन तथा बातावरण सम्वन्धि नीतिमा वैज्ञानीक बन ब्यवस्थापनका साथै विज्ञहरुको सहयोगमा ऐनको निर्माण गरि सिकार पूर्णरुपमा बन्दगर्दै बन्यजन्तुलाई संरक्षण गरि पर्यटकीय क्षेत्र निर्माण, वृक्षारोपनका, नापीका आधारमा जङ्गल फडानी गरि जग्गा बनाउने चलन लाई सिघ्र रोेकिने र कसैले यस किसिमको कामको थालनी गरेमा कारवाही गरिने, नगरपालीका भित्र भएका जडिबुटी, बन पैदावारको वर्गीकरण गरि लगत राखिने साथै महत्व, उपयोगीता र उपलब्धताका आधारमा संरक्षण गरिने नीति पारित गरिएको छ ।

उद्योग सम्बन्धि नीतिमा उद्योग विकासको रणनीतिक योजना सहित कार्यक्रमहरुको निर्माण गरी यसका आधारमा उपलब्ध साधन, स्रोत, उत्पादनमा आधारित उद्योगलाई प्राथमिकता दिइएको छ साथै नगरपालीका भित्र प्रसस्त रोजगारी सिर्जना गर्ने उद्योगलाई अनुदान, ऋणको ब्यवस्था गरिने र डोल्पामा आगन्तुक यात्रुलाई मध्यनजर गर्दै कोशेली घर निर्माणका लागि प्रोत्साहान, अनुदानको ब्यबस्था गरिने नीति ल्याइएको छ साथै युवारुलाई उद्योगमा लगानीका लागि प्रोत्साहान नीति नगरपालीकाले पारित गरेको छ ।

शहरी विकास तथा भौतिक पूर्वाधार नीतिमा आन्तरीक रुपमा सडकको स्तरउन्नती र सवै वडापालीकालाई सडक संजालले जोडिने, सवै वडापालीकाको भवन निर्माणको काम संचालन गरिने, गरिबी न्यूनीकरण, ब्यवस्थीत बस्ती विकास, भूउपयोग योजना, फोहोर मैला ब्यवस्थापनको नीति सहित कार्यन्वयन तर्फ जोड दिइने साथै एकै क्षेत्रमा उपभोक्ता मार्फत पटक पटक योजना लिने प्रबृक्तिको अन्त्य गरिने साथै नगरभित्र बजार क्षेत्र, बजारको आसपास, सार्वजनीक स्थल तथा भेरीको तटिय क्षेत्रमा जग्गा धनी पूर्जा नभएका, अतिक्रमण गरी बनाइएका घरटहरा, संरचनाहरु अध्ययन, अनुसन्धान गरी हटाइने नीति पारित गरिएको छ ।

पर्यटन तथा सस्कृति सम्बन्धि नीतिमा चोरी सिकारलाई पूर्णरुपमा नियन्त्रण गरि यस नगरपालीका भित्र हिमाली मृगहरुको दृस्याअवलोकन सहितको जुफाल, माझफालको पोखेपानी, साइकुवारी सिस्ने हिमाल र हिम्चुलीको फेद हुदै रुपपाटन, वाटुल्ले पाटन, ठागे, दुनै सम्म दुनै बाट त्रिपूराकोट सम्म ठूलीभेरीमा ¥याफ्टिङ् सेवा सहितको तल्लो डोल्पा पर्यटकीय पदमार्गको निर्माणका लागि सिघ्र प्रक्रिया अगाडी बडाइने र ठूलीभेरी १०, ११ मा पर्ने से–फोक्सुण्डो पदमार्गलाई ब्यबस्थीत बनाइने साथै होटेलहरुमा स्थानिय पर्यटकीय स्थल झल्कने दृष्याअवलोकनका बस्तुहरु अनिवार्य राख्नुपर्ने नीति ल्याइएको छ ।

स्वास्थ्य तथा सरसफाई नीतिमा वर्षमा कम्तीमा ३ पटक प्रत्यक वडाहरुमा स्वाथ्यसेवा सिविरहरु संचालन गर्ने नीति अवलम्वन गरि स्वास्थ सुरक्षाका लागि स्वास्थ बिमा कार्यक्रम अनिवार्य गरिने नीति ल्याइएको छ ।

सामाजीक विकास सम्बन्धि नीति सामाजीक सुरक्षा भत्ता, जन्म दर्ता, मृत्यु दर्ता, बिबाह दर्तालाई प्रभावकारी बनाइ सेवा वडा, टोलमै उपलब्ध गराउने र नगर भित्र सामाजिक परिचालनका कामहरुमा सबै जात जाति, दलित, महिला, वर्गको समानुपातीक प्रतिनिधित्वमा सम्पन्न गरिने, नगरभित्र अपाङ्ग, एकल महिला, गरिव, दलीतका लागि भैपरी आउने दुर्घटना, गम्भीर रोग, औषधि उपचारका लागि राहत कोषको ब्यवस्था गरिने साथै नगरभित्र शान्ती शुरक्षा सुब्यवस्थाका लागि नगर प्रहरीको अवधारणको नीति पारित गरिएको छ ।

नगरभित्रका रेडियो, पत्रिका, अनलाइन पत्रिकाहरुलाई प्रोत्साहन गरि ठूलीभेरी पत्रकारीता पुरस्कार प्रदान गरिने नीति लिइएको छ । आकस्मीक संकट, विपदका लागि विपद उद्वार राहात कोषको स्थापनाका साथै उर्जा, जलस्रोत तथा सिंचाई सम्वन्धि नीति आर्थिक प्रशासन तथा राजश्व परिचालन लगमएतका नीतिहरु पारित गरिएको छ । अषाढ २७ गते उद्घाटन भएको नगर सभा अषाढ २९ सम्म चल्ने छ ।

Comments