ताजा समाचार

होम क्वारेन्टिनमा बसेका एक पुरुषको मृत्यु

समाचार
- न्युज-नेपाल
       

चितवन । बाराबाट आएर होम क्वारेन्टिनमा बसेका एक पुरुषको मृत्यु भएको छ ।

बाराबाट आएर खैरेनी ६, चितवन बसेका ती व्यक्तिको घरैमा मृत्यु भएको हो ।

खैरेनी नरगपालिकाका मेयर लालमणि चौधरीका अनुसार क्वारेन्टिन बसेको १४औं दिनमा उनको मृत्यु भएको हो । बाराबाट उनीसँगै अरु पाँचजना पनि आएका थिए । उनीहरु स्थानीय बोरा फ्याक्ट्रीमा काम गर्थे ।

मेयर चौधरीका अनुसार अहिले मृतकसमेत ६ जनाकै स्वाब संकलन गरेर भरतपुर कोभिड अस्पताल लगिएको छ । शव पनि सोही अस्पतालमा राखिएको छ ।

शव दाहसंस्कार कोरोना परीक्षणपछि मात्र हुनेछ । यसअघि गत शुक्रबार क्वारेन्टिन बसेका एक वृद्धको मृत्यु भएको थियो । उनको पीसीआर परीक्षणमा कोरोना नेगेटिभ देखिएको थियो ।

Comments

प्रकाशित मिति : 2020-08-04

अरु समाचार

© NewsNepal 2018 - All Right Reserved.
newsnepal.com 2017.hlon.org