सेयर बजार परिसूचक नेप्सेमा दोहोरो अंकको गिरावट

अर्थ र बाणिज्य

- न्युज नेपाल

काठमाडौं ।सेयर बजार परिसूचक नेप्सेमा सोमबार १२.५८ अंकले गिरावट आएको छ। बिहीबारदेखि लगातार रुपमा घटिरहेको परिसूसक आज पनि दोहोरो अंकले घटेको हो ।

आज नेप्से ०.६५ प्रतिशतले घटेर १९०८.६६ बिन्दुमा आएर बन्द भएको छ। नेप्से परिसूचकसँगै आज कारोबार रकम पनि अघिल्लो दिनको तुलनामा घटेको छ।

आइतबार १ अर्ब ८० करोड १७ लाख ६६ हजार २९४ रुपैयाँ रकम बराबरको सेयर कारोबार भएकोमा आज उक्त रकम घटेर १ अर्ब १७ करोड १ लाख ७२ हजार ७२२ रुपैयाँमा सीमित भएको छ। २८७ वटा धितोपत्रको ४३ लाख २७ हजार १७९ कित्ता सेयर किनबेच भएको हो।

सोमबार सयपत्री हाइड्रोपावरको सबैभन्दा धेरै ९६.८८ प्रतिशत०ले सेयरमूल्य बढेको छ । थ्रीस्टार हाइड्रोपावर, हिमालयन पावर पार्टनर, इमर्जिङ नेपाल लिमिटेडसहितका धितोपत्रको समेत धेरैले सेयर मूल्य बढेको छ ।

बाराही हाइड्रोपावर र हिमालयन लघुवित्तका लगानीकर्ताले भने सबैभन्दा धेरै गुमाए । यी दुवै धितोपत्रको नकारात्मक सर्किट लेबलमा कारोबार भएको छ ।

प्रोगेसिभ फाइनान्स, सानिमा जीआईसी, पिपुल्स पावरसहितका धितोपत्रको समेत धेरैले सेयरमूल्य गिरावट आएको छ ।