सरकार ढाल्ने र राजा फर्काउनेहरु चाैथाइवालेको भ्रमणपछि जिल्ल !

breaking news

- न्यूज नेपाल

काठमाडाैं । भारतीय जनता पार्टीका विदेश विभाग प्रमुख विजय चाैथाइवालेले नेपाल भ्रमणबाट राजनीतिक आकासमा नयाँ तरङ्ग पैदा भएको छ ।

पछिल्लो समय भारतले नेपालमा हिन्दु राष्ट्र र राजसंस्थाको पक्षमा काम गर्न चाहेको भन्ने आरोपकाबीच चाैथाइवालेले यो भ्रमपूर्ण प्रचार भन्दै भारत नेपालको गणतन्त्र र संविधानकै पक्षमा रहेको प्रष्ट सन्देश दिएका हुन् ।

चाैथाइवालेले आफ्नो आन्तरिक मामलामा नेपालले आफै काम गरोस भन्ने चाहेको र कास्मिरको पहलगाममा भएको आतंकवादी हमलामा नेपालले भारतको पक्षमा बोलोस भन्ने चाहेको भेटघाटमा बताएको दाबी छ ।

चाैथाइवाले नेपाल आउँदा कतिपयले केपी ओली नेतृत्वको सरकार नै ढल्ने हल्ला चलिरहेको बेला उनले भारतको यस्तो कुनै आशय नरहेको प्रष्ट पारेको र सरकारबारेका विषयमा कुनै धारणा नरहेको बताएको स्रोतको दाबी छ ।

मुख्यतः चाैथाइवालेले पहलगाम प्रकरणमा नेपालले भारतको पक्ष लिने काम गरोस भन्ने नै रहेको सन्देश दिएका हुन् । नेपाल भ्रमणको क्रममा चाैथाईवालेले प्रधानमन्त्री ओली, प्रचण्ड, शेरबहादुर देउवादेखि विभिन्न दलका शीर्ष नेता र सरकारी अधिकारीलाई भेटेका थिए ।

चाैथाइवालेको भ्रमणले सरकर ढल्ने हल्लादेखि राजसंस्थाको विपक्षमा भारत रहेको प्रष्ट सन्देश दिएपछि धेरैलाई झड्का लागेको बताइन्छ ।