ठूला प्रकरणमा होमिएपछि चुलिदै अख्तियार प्रमुख राईको चर्चा

काठमाडाैं । भ्रष्टाचार प्ररकणमा साहसिक कदम चाल्न कस्सिएका अख्तियार प्रमुख प्रेम राईको प्रसंसा शुरु भएको छ ।

प्रमुख राईले अख्तियार प्रमुख बनेपछि भ्रष्टाचार नियन्त्रणका लागि चालेका कदमले भ्रष्टहरुको भागाभाग चलिरहेको भन्दै सामाजिक सञ्जालबाटै राईको प्रसंसा हुन थालेको छ ।

राईको प्रसंसा गर्दै भुराजनीतिक मामलाका जानकार केशवप्रसाद भट्टराईले सामाजिक सञ्जालमै भनेका छन्, ‘सर्वोच्चले उहाँको नियुक्ति सदर वा बदर जे सुकै गरोस् , अख्तियार प्रमुख प्रेमकुमार राईले एउटा इतिहास निर्माण गर्नुभएको छ । दवावले होस्, प्रभावले होस् वा जुनसुकै अन्य उद्देस्यले भएपनि नीतिगत निर्णयको निहुँ थापेर प्रधानमन्त्रीहरू अख्तियारको कारवाहीबाट उम्किने तर सो निर्णय हुँदाका मन्त्री, सचिव र अन्य कर्मचारी मात्र दोषी ठहरिने भ्रष्ट र कायर राज्य अभ्यासलाई अख्तियारले विराम लगाउनु स्वागतयोग्य कार्य हो ।

अख्तियारले सुशासनको जग बसाल्नका लागि बाटो निर्माण गर्न थालेको भन्दै सामाजिक सञ्जालबाट पछिल्लो समय राईको प्रसंसा गर्ने गरिएको छ ।

पूर्वप्रधानमन्त्री माधव नेपालदेखि नेपाल टेलिकम नेतृत्व र एमाले मधेस प्रदेशका सांसददेखि ठूला प्रकरणमा समेत अख्तियारले मुद्दा दायर गर्दै भ्रष्टचार नियन्त्रणमा कदम चालिरहेको छ ।

अख्तियारले सक्रियता बढाएसंगै भ्रष्टहरुको भागाभाग चलिरहेको छ भने अख्तियारमा पर्ने उजुरीमाथि समेत मिहिन अनुसन्धानका लागि राईले मातहतका कर्मचारीहरुलाई निर्देशन दिइसकेको स्रोतको भनाई छ ।

अख्तियारले अझैं केहि बहुचर्चित प्रकरणमा समेत अनुसन्धान गरिरहेको र छिुट्टै नतिजा आउने भनिएको छ।

Comments