एक चीन नीतिविपरित नेपालमा तिब्बतियन शरणार्थीले मनाए दलाई लामाको जन्मोत्सव, पूर्वराजदूतको सहभागीतामा प्रश्न

काठमाडौं । तिब्बतियन शरणार्थीहरुले नेपाली राष्ट्रिय गान बजाउदै दलाई लामाको ९० औं जन्मोत्सव मनाएका छन् ।

दलाई लामाको सन्देश सुनाउदै शरणार्थीहरुले जावालाखेलस्थित तिब्बतियन शरणार्थी शिविरमा एक कार्यक्रमको आयोजना गर्दै जन्मोत्सव मनाएका हुन् ।

तिब्बतियन शरणार्थीहरुले जावालाखेलमा ह्याण्डिक्राफ्ट सेन्टर प्रालि नामको कम्पनीबाट नेपालको एक चीन नीतिविपरितका गतिविधि गर्दै आएका छन् ।

स्वतन्त्र तिब्बतको नारा लगाउदै उनीहरुले लामाको फोटोमा खादा लगाएर जन्मोत्सव मनाएका थिए । जसमा विदेशी कुटनीतिज्ञको अर्थपूर्ण सहभागिता रहेको थियो ।

कार्यक्रममा माओवादी केन्द्रले डेनमार्कका लागि राजदूत बनाएका विजयकान्त कर्ण समेत सहभागी भएका थिए । जुन कुरा नेपालले मान्दै आएको एक चीन नीतिविरुद्धको कदम भएको बताइन्छ ।

नेपाल एक चीन नीतिलाई बलियो ढंगले समर्थन गर्ने मुलुक भएकाले तिब्बतियन शरणार्थीका सार्वजनिक गतिविधिहरु प्रतिबन्धित छन् ।

कार्यक्रममा मानवअधिकारकर्मीहरु भवानी खरेल, गोपाल सिवाकोटी चिन्तन, इन्द्र अर्याल, शम्भु लामा पनि कार्यक्रममा पुगेका थिए ।

उसोतः कार्यक्रममा शरणार्थी क्याम्पका लेखा प्रमुख कर्मा दावाको अध्यक्षतामा आयोजित कार्यक्रममा चोभार डोफेलिङ गुम्बाका कुन्से रिन्पोछे प्रमुख अतिथि थिए । स्वयम्भु प्रमुख झाम्पा लामा, लाओसका कन्सुलर राजु श्रेष्ठ लगायतका व्यक्तिहरु उपस्थित भएका थिए । भने, लाजिम्पाटस्थित तिब्बती शरणार्थी कल्याणकारी कार्यालय र दलाई लामाका प्रतिनिधि सेप्री लोपान टुल्कु ङ्वाङ चोकडुपसँगै विदेशी कूटनीतिज्ञमा नेपालस्थित संयुक्त राष्ट्रसंघीय शरणार्थी आयोगका उच्चायुक्त तथा युरोपेली युनियनकी राजदूत भेरोनिक लोरेनो पनि जन्मोत्सव कार्यक्रममा सहभागी थिए ।

त्यस्तै अमेरिकी दूतावासका पब्लिक अफेयर्स चिफ माइकल हार्कर, दूतावासकै तिब्बती मामिला संयोजक तथा तिब्बती शरणार्थी पेमा तेन्जिङ, तिब्बती शरणार्थीका निर्वासित संसद सदस्यहरु सेर्ता टासी धुन्दुप र रात्सा सोनाम नोर्बु कार्यक्रममा देखिए ।

Comments