बालेनका पीए भुपदेवको अनाधिकृत हस्तक्षेपः प्रमुख प्रशासकीय अधिकृतमाथि गैरकानूनी दबाब

काठमाडाैं । काठमाडाैं महानगरपालिकाका मेयर बालेन्द्र साह ‘बालेन’का स्वकिय सचिव भुपदेव शाहले आफुले नपाएको अधिकारको प्रयोग गर्दै प्रमुख प्रशासकीय अधिकृत सरोज गुरागाईंलाई बिदामा बस्न दबाब दिएको खुलेको छ ।

प्रमुख प्रशासकीय अधिकृत गुरागाईलाई शाहले कानूनविपरितका काम गर्न नमानेपछि अहिले कि बिदामा बस्न वा सरुवा लिएर जान दबाब दिएको स्रोतको दाबी छ ।

‘कानूनभन्दा बाहिर गएर गुरागाईंले कुनै पनि काम रग्न नमानेपछि भुपदेवसहित बालेनको सचिवालय ठन्डाराम बन्न पुगेको छ । करोडाैं घुस क्षणभरमै उठाउने यो समूह गुरागाईको सक्रियतापछि थला पर्‍यो । अनि अहिले दबाब दिएर उनलाई बिदामा बस्न वा सरुवा लिएर जान भनिरहेको छ । गुरागाईं पनि यो मुलुकको नागरिक भएकाले गलत काम रोक्ने कुरामा पछि हट्नु हुन्न । महानगरमा उनलाई जनप्रतिनिधिदेखि धेरैको साथ छ ।’ महानगरका एक जनप्रतिनिधिले न्यूज नेपाललाई भनेका छन् ।

भ्रष्टाचारमा संलग्न रहेको आरोपमा अख्तियारमा बयान दिन गइरहेका शाहले गुरागईंलाई बिदा गर्दै नुरनिधि न्याैपानेलाई निमित्त दिने षडयन्त्र रचिरहेको स्रोतको दाबी छ ।

नुरनिधि न्याैपाने तत्कालीन प्रमुख प्रशासकीय अधिकृत बसन्त अधिकारीसंगै कारबाहीमा परेका व्यक्ति हुन् । उनी त्यो बेला कारबाहीमा परेपछि बालेन ग्याङ्गलई अब जस्ता पनि निर्णयमा हस्तक्षर गर्ने र फाइल नरोक्ने सर्तमा अहििले चलखेल बढाउन पुगेको स्रोतको दाबी छ ।

ठमेलका विभिन्न प्रकरणमा करोडाैं रकम घुस लिएको आरोपपछि अख्तियारले शाहविरुद्ध विस्तृत अनुसन्धान गरिरहेको छ । आफू जतिबेला पनि अख्तियारको दायराबाट अदालत जानुपर्ने हुन सक्ने ठानेका शाहले न्याैपानेलाई सक्रिय बनाएर करोडाैं हत्याउने षडयन्त्र गरिरहेका छन् ।

गुरागाईंलाई बिदामा बसाएर कानूनविपरितका काम गराउन न्याैपानेलाई च्याप्न थालिएको स्रोतको दाबी छ ।

‘युवा सह-सचिवका रुपमा चिनिएका प्रदीप परियारलाई बालेन एण्ड कम्पनीले गैरकानूनी काम गर्न लगाए । उनी त्यसमा प्रभावित बने । अख्तियारले अनुसन्धान गरेपछि कैफियत भेट्टायो । विशेष अदालतमा मुद्दा चलिरहेको छ । अहिले उनी धराैटीमा छुटेका छन् । अब नुरनिधिलाई पनि यहि बाटोमा लैजाने यो ग्याङ्गले सक्रियता बढाएको छ ।’ महानगर उच्च स्रोतले न्यूज नेपाललाई बतायो ।

काठमाडाैं महानगरपालिकाले असार सकिनै लाग्दा समेत आगामी वर्षका लागि बजेट ल्याउन सकेको छैन् । महानगर बजेट शून्यतामा जाने खतरा भएपछि बालेनले हारगुहार गर्दै विभिन्न भेटवार्ता समेत गरिरहेको बताइन्छ । तर, महानगरमा प्रमुख प्रशासकीय अधिकृतबिना बैठक सम्भव नहुने उपमेयर सुनिता डंगोलले बताउदै आएकी छन् ।

Comments