उत्कृष्ट कर्मचारी छान्दै प्रधानमन्त्री ओली, चिलुवाल र मैनालीलाई महत्वपूर्ण जिम्मेवारी

काठमाडाैं । प्रधामन्त्री केपी ओलीले कार्यसम्पादन क्षमताको पहिचान गर्दै कर्मचारी पदस्थापनमा जोड दिन थालेका छन् । प्रधानमन्त्री कार्यालय मातहतका राजस्व अनुसन्धान विभाग र सम्पत्ति शुद्धीकरण विभागमा उत्कृष्ठ महानिर्देशकको पदस्थापन भएको छ ।

हालै सम्पत्ति शुद्धीकरण विभागमा कृष्ण प्रसाद मैनालीलाई महानिर्देशक बनाएदेखि उत्कृष्ठलाई महत्वपूर्ण जिम्मेवारी दिने विषयलाई निरन्तरता दिएका हुन् । यसअघि समेत विभागको नेतृत्व उत्कृष्ट कर्मचारीलाई सुम्पिएका ओलीले मैनालीलाई पदस्थापन गर्दै विभागलाई चुस्त राख्न खोजेका हुन् ।

गएको साउनमा राजस्व अनुसन्धान विभागमा महानिर्देशक तीर्थराज चिलुवाल पनि कर्मचारीतन्त्रमा अब्बल र कार्यसम्पादनमा उत्कृष्ट कहलिन्छन् ।

प्रधानमन्त्रीमा ओली आएपछि आफू मातहतका दुई विभाग राजस्व र सम्पत्ति शुद्धिकरणमा चण्डी घिमिरे र सुमन दाहाललाई महानिर्देशक बनाएका थिए । दुबैजनाले उच्चस्तरको कार्यसम्पादन गरेको रेकर्ड रहेको र निजामती कर्मचारीमा उनीहरु अब्बल र काबिल कर्मचारी हुन् ।

उसोतःअहिले घिमिरे उमेरहदका कारण अवकासमा गए भने दाहाल अर्थमन्त्रालय अन्तर्गत बजेट महाशाखा प्रमुखका रुपमा पदस्थापना भएका हुन् । घिमिरे र दाहाल दुबैले महानिर्देशक हुँदा जनताका कामलाई छिटो छरितो गर्नुका साथै दुख दिने काम नगरेको चर्चा हुने गर्छ । आर्थिक रुपमा समेत पारदर्शी शैली अपनाएका घिमिरे र दाहाल उदाहरण बनेका छन् ।

यो पनि पढ्नुहोस्ः सम्पत्ति शुद्वीकरण अनुसन्धान विभाग युद्धस्तरमा, नौ महिनामा ८० अर्ब बिगो दाबीका १८ मुद्दा दर्ता

घिमिरे र दाहाल अघिका महानिर्देशकहरुले विभागलाई भ्रष्ट, लुटेरा र कमिसनको केन्द्रको रुपमा चिनाएको आरोप लाग्ने गर्छ । प्रधानमन्त्री मातहतका यी विभागमा मोटो रकमको लेनदेनदेखि चलखेल तीब्र हुने आरोपकै बीच नेतृत्वमा आएका घिमिरे र दाहालले आम बुझाई नै फेरिदिएका हुन् ।

राजस्व अनुसन्धान विभागको नेतृत्वमा हुँदा घिमिरेलाई दुई खराब कर्मचारीलाई च्यापेकोबाहेकका आरोप भने लागेको देखिन्न । यद्यपी दुई अत्यन्तै खराब र भ्रष्ट आचरणका कर्मचारी च्यापेको आरोप भने व्यापक बनेको थियो ।

तीर्थ चिलुवाल अख्तियार, सीडीओदेखि अन्य क्षेत्रमा काम गर्दा समेत उनी आफूलाई अब्बल सावित गरेका कर्मचारी हुन् ।

कृष्ण प्रसाद मैनाली यसअघि पनि सम्पत्ति शुद्धीकरणमा काम गरेको अनुभव छ । बागमती प्रदेशको अर्थमन्त्रालयको सचिव हुँदा विवादास्पद मन्त्रीको काम नगरेर चर्चामा आएका कर्मचारी हुन् । मन्त्रालयलाई थितिमा राख्नुपर्छ भन्ने मान्यताका साथ अघि बढेका मैनालीले मानक स्थापित गरेको चर्चा कर्मचारीवृत्तमा चल्ने गर्छ ।

Comments