संगिता मिश्रलाई मन्त्री बन्न नदिन गगनदेखि विकास देवकोटाको षडयन्त्र छताछुल्ल !

Breaking News

- न्यूज नेपाल

काठमाडाैं । स्वास्थ्य मन्त्रीमा अघि सारिएकी डा. संगिता मिश्रलाई मन्त्री बन्न नदिनका लागि षडयन्त्र शुरु भएको छ ।

अन्तरिम सरकारकी प्रधानमन्त्री शुशीला कार्कीले स्वास्थ्यमन्त्रीका लागि मिश्रलाई सिफारिस गर्दै राष्ट्रपति कार्यालयमा पठाएपनि अन्तिममा आएर उनीबिरुद्ध षडयन्त्र शुरु भएको हो ।

मिश्र काबिल र क्षमतावान भएपनि उनीमाथि स्वास्थ्य सचित डा. विकास देवकोटाले षडयन्त्र गरेपछि उनी मन्त्री बन्नबाट रोकिएको स्रोतको दाबी छ ।

यसअघि पनि उनलाई सचिव हुनबाट रोक्नका लागि देवकोटासहित कांग्रेस नेताहरु गगन थापा र प्रदीप पाैडेल हात धोएर लागेको बताइन्छ । उनीहरुले मिडिया ट्रायल नै गरेर मिश्रलाई रोक्दै आएका छन् ।

मिश्रविरुद्ध अख्तियारमा अनुसन्धान चलिरहेको दाबी गरिएपनि कुलमान घिसिङमाथि समेत अख्तियारमा अनुसन्धा चलिरहेको स्रोतको दाबी छ । तर, कुलमान र मिश्रको हकमा फरक विषय लागू कसरी हुनसक्छ भन्दै प्रश्न गरिएका छन् ।

उसोतः अहिलेको सरकारमा बारबारा फाउन्डेसनका हर्ताकर्ताहरुले नै बोलवाला मच्चाएको आरोप लगाउन थालिएको छ । अहिले मन्त्री छानिएकामा मिश्र काबिल भएपनि भ्रष्टाचारको आरोप लगाउदै उनलाई पछि धकेल्न खोजिएको छ ।

स्वास्थ्य मन्त्रीका लागि नाम सिफारिस भएपछि फेरि नयाँ विवाद सिर्जना गरिएको छ। रु ४.५ अर्बको खरिद सम्झौतासँग उनको नाम जोडेर प्रश्न उठाइएका छन्, तर सोही खरिद प्रक्रियाले तत्कालीन स्वास्थ्य मन्त्री प्रदीप पौडेललाई लोकप्रियता दिलाएको कुरा भने लुकेको छैन् ।