बोपाराको अर्धशतकिय पारि तथा सैफ जैबकाे आक्रामक ब्याटिङमा कार्णाली माथि चितवनकाे ४ विकेट जित !

breaking news

- न्यूज नेपाल

काठमाडाैं । नेपाल प्रिमियर लिग(एनपीएल) अन्तर्गत मंगलबार भएको दाेस्राे खेलमा कर्णाली याक्सविरुद्ध चितवन राइनोज ४ विकेटले विजय हासिल गरेकाे छ ।

कीर्तिपुर मैदानमा टस जितेर पहिले फिल्डिङ राेजेकाे चितवनले निर्धारित २० अाेभरमा १६७ रनको लक्ष्य पाएकाे थियाे । उक्त लक्ष्य पछ्याउन ब्याटिङमा उत्रिएको चितवनले १० ओभरमा १ बलमा ६ विकेटको क्षतिमा १७१ रन बनाउदै कर्णाली विरूद्ध जित निकालेकाे हाे ।

चितवनका लागि रविले ३६ बलमा समान तीन चाैका र छक्काको मद्दतले सर्वाधिक ५२ रनको योगदान गरे । यसैगरी दीपक बोहोराले ४२, सैफ जैवले ३८ र कप्तान कुशल मल्लले २० रन बनाए ।

पाँचौँ विकेटका लागि रवि र सैफबीच ५२ रनको साझेदारी भएको थियो । कर्णालीका लागि कप्तान सोमपाल कामीले दुई तथा युनिशविक्रम सिंहठकुरी र युुवराज खत्रीले समान एक–एक विकेट लिए ।

त्यसअघि टस हारेर ब्याटिङको निम्तो पाएको कर्णालीले निर्धारित २० ओभरमा विकेट गुमाउँदै १ सय ६६ रनको योगफल तयार पारेको थियो । कर्णालीका लागि प्रियान्क पान्चालले ४८ बलमा ७ चौका र ६ छक्काको मद्दतले सर्वाधिक ९० रनको योगदान गरे । उनलाई १६औँ ओभरको चौथो बलमा रवि बोपाराले देव खनालबाट क्यान गराए ।

यसैगरी पवन सर्राफले अविजित २७, म्याक ओ’ डोउडले २० र मार्क वाटले १६ रन बनाए । प्रियान्कले दास्रो विकेटका लागि मार्कसँग ६३ तथा पहिलो विकेटका लागि म्याकसँग ६१ रनको साझेदारी गरेका थिए । चितवनका लागि सोहेल तनवीर, सैफ जैब र रवि बोपाराले समान एक–एक विकेट लिए ।