अध्यक्ष जित्न ओलीले पदाधिकारी र केन्द्रीय सदस्यको संख्या बढाउदै, के गर्लान ईश्वर पोखरेल ?

Breaking News

- न्यूज नेपाल

काठमाडाैं । नेकपा एमालेका अध्यक्ष केपी ओलीले पदाधिकारी र केन्द्रीय कमिटी दुवैको आकार बढाउने गरी प्रस्ताव लैजाने भएका छन्।

केन्द्रिय सचिवालय बैठकबाटै संख्या बढाउने प्रस्ताव पारित गराउन चाहेका ओलीलाई ईश्वर पोखरेल पक्षले दबाब बढाएपछि उनी ब्याक भएका थिए । तर, ओलीले ईश्रको प्यानल बलियो बन्ने देखिएपछि संख्या बढाएर आकांक्षीको व्यवस्थापन गर्ने रणनीति तय गरेका हुन् ।

आइतबार बिहान ९ बजे बस्न लागेको केन्द्रीय कमिटीको अन्तिम बैठकमा अध्यक्ष ओलीले विधान संशोधन प्रस्ताव लैजान लागेको एक पदाधिकारी तहका नेताले न्यूज नेपाललाई जानकारी दिए।

ती पदाधिकारीका अनुसार पदाधिकारीको आकार बढाएर १९ सदस्यीय र केन्द्रीय कमिटीको आकार २५१ बाा बढाएर ३०१ पुर्‍याउने गरी ओलीले प्रस्ताव लैजान लागेका हुन्।

ओलीले यस्तो प्रस्ताव लगेमा प्रतिवाद गर्ने तयारीमा ईश्वर पोखरेल पक्षका नेताहरुले तयारी गरेका छन् । उनीहरुले विधान महाधिवेशनबाट पारित विधान संशोधन महाधिवेशनका निम्ति बोलाइएका प्रतिनिधिबाट हुन नसक्ने भनिरहेका छन् । विधान महाधिवेशनको महत्व र औचित्य समाप्त पार्ने कुरामा सम्झाैता नहुने उनीहरुले बताइरहेका छन् ।