ताजा समाचार

आजदेखि नवौं क्षेत्रीय नेत्रहिन पुरुष क्रिकेट प्रतियोगिता सुरु

खेलकुद
-
       

काठमाडौं, १६ जेठ । नवौं क्षेत्रीय नेत्रहिन पुरुष क्रिकेट प्रतियोगिता आजदेखि सुरु भएको छ । नेत्रहिन क्रिकेट संघ नेपालको आयोजना तथा कादुरी फाउन्डेशनको आर्थिक सहयोगमा प्रतियोगिता सुरु भएको हो । प्रतियोगिता १८ गते बिहीबारसम्म चल्नेछ । पुल्चोक इन्जिनियरिङ कलेजको मैदानमा सुरु प्रतियोगितामा टिम बाग्मती, टिम मोरङ र टिम बाँकेको सहभागिता छ ।

प्रतियोगितामा सहभागी सबै टिमलाई प्रोत्साहन स्वरुप १०/१० हजार रुपैयाँ मेडल र ट्रफी प्रदान गरिनेछ । यस्तै म्यान अफ द म्याचलाई १५ सय रुपैयाँ दिइने छ । आर्थिक अभाव भएकाले जम्मा तिन क्षेत्रलाई मात्रै समावेश गरिएको र नयाँ खेलाडीलाई स्थान दिइएको नेत्रहिन क्रिकेट संघका अध्यक्ष पवन घिमिरेले उज्यालोलाई जानकारी दिए ।

Comments

प्रकाशित मिति : 2017-05-30

अरु समाचार

© NewsNepal 2018 - All Right Reserved.
newsnepal.com 2017.hlon.org