पश्चिमाञ्चल प्रधानमन्त्री कप क्रिकेटको सेमिफाइनलमा प्रवेश

खेलकुद

काठमाडौं, १८ जेठ । पश्चिमाञ्चल विकास क्षेत्र प्रधानमन्त्री कप क्रिकेटको सेमिफाइनलमा प्रवेश गरेको छ । लगातार दुई खेलमा जित निकाल्दै समूह एमा रहेको पश्चिमाञ्चल जारी प्रधानमन्त्री कप एकदिवशीय क्रिकेटको सेमिफाइनलमा प्रबेश गरेको हो । बुधबार भएको खेलमा मध्यमाञ्चललाई ९५ रनले हराएको पश्चिमाञ्चलले बिहीबार भएको खेलमा मध्यपश्चिमाञ्चललाई ९ विकेटले पराजित गर्दै सेमिफाइनलमा प्रवेश गरेको हो ।

समूह चरणको आफ्नो पहिलो खेलमा एपिएफसँग पराजित भएको पश्चिमाञ्चलले त्यसयताका दुई खेलमा चार अंक जोड्दै ४ अंक बनाएको छ । दुई खेल खेल्न बाँकी एपिएफको २ अंक छ । उसका बाँकी खेलहरु सकिएपछि समूह बिजेता र उपबिजेताको टुंगो लाग्नेछ ।

कीर्तिपुरस्थित टियु क्रिकेट मैदानमा मध्यपश्चिमले दिएको ६३ रनको लक्ष्य पश्चिमाञ्चलले ११.१ ओभरमा ६६ रन बनाएर पूरा गर्‍यो । उसका लागि अनिल गुरुङले २३ र नूरध्वज सेनले १९ रनको अविजित पारी खेले ।

यसअघि टस जितेर ब्याटिङ रोजेको मध्यपश्चिम २३ ओभरमा ६२ रनमै अलआउट भयो । उसका लागि कप्तान शुवेन्दु पाण्डे, राजवीर सिंह र अमरसिंह रौतेलाले समान १३/१३ रन बनाउँदा अन्यले दोहोरो अंकको रन छुन सकेनन् । मञ्यपश्चिमका ६ जना ब्याट्सम्यानले खाता खोल्नै सकेनन् ।