डिसीए अन्तर विद्यालय क्रिकेट प्रतियोगिताको उपाधी ऐश्वर्या विद्या निकेतनलाई

खेलकुद

- नवराज पनेरु

धनगढी, २५ जेठ । धनगढीमा सम्पन्न डिसीए अन्तर विद्यालय क्रिकेट प्रतियोगिताको उपाधी ऐश्वर्या विद्या निकेतनले जितेको छ । बिहीबार भएको फाईनल खेलमा लिटिल फ्लोरस्कुललाई ४ विकेटले पराजित गर्दै ऐश्वर्याले उपाधी जितेको हो । उपाधीसँगै ऐश्वर्या विदा निकेतनले नगद ३० हजार तथा उप विजेता बनेको लिटिल फ्लोरले १५ हजार नगद सहित ट्रफी र प्रमाणपत्र प्राप्त गरेका छन् ।

आज भएको फाईनलमा टस जितेर व्याटिङ गरेको लिटिल फ्लोवर ईङ्लिस बोर्डिङ स्कुलले १५ दशमलव ४ ओभरमा सबै विकेट गुमाउँदै ५० रन मात्रै बनाउन सक्यो । ५१ रनको विजयी लक्ष्य सहित मैदान उत्रिएको ऐश्वर्या विद्या निकेतनले ११ दशमलव ५ ओभरमा ६ विकेट गुमाउँदै लक्ष्य भेटायो । ऐश्वर्याका लागी कप्तान विरेन्द्र महतले ३६ बलमा १६ रनको योगदान दिए ।

बलिङमा लिटिलका आभास खड्काले १ दशमलव ५ ओभरमा ८ रन दिँदै ३ विकेट लिए । म्यान अफ द म्याच ऐश्वर्याका लोकेश हमाल भए । यस्तै प्रतियोगितामा म्यान अफ द सिरीजको पुरस्कार ग्ली एकेडेमीका पदम बोहरा, बेष्ट बलर ऐश्वर्याका लोकेश हमाल, राईजिङ प्लेयर ग्लीका निराजन राणा र बेष्ट ब्याट्सम्यान एक्सीस वृद्धाआश्रमका अमृत रावलले पाएका छन् ।