ताजा समाचार

आर्सनलमाथि लिभरपुलको शानदार जित, आर्सनल ४–० ले पराजित

खेलकुद
-
       

काठमाडौं, १२ भदौं । इंग्लिस प्रिमियर लिग फुटबलमा लिभरपुलले आर्सनलमाथि शानदार जित दर्ता गरेको छ । लिग अन्तर्गत आइतबार राति भएको खेलमा घरेलु टोली लिभरपुलले उत्कृष्ट आक्रामक खेल प्रस्तुत गर्दै आर्सेन वेङ्गरको टिम आर्सनललाई स्तब्ध पारेको हो । निकै कमजोर देखिएको आर्सनल लिभरपुलसँग ४–० ले पराजित भयो ।

लिभरपुललाई जिताउन रोबर्टो फिरमिनो, साडिओ माने, मोहम्मद सालह र ड्यानिएल स्टुरेजले गोल गरे । फिरमिनोले १७ तथा मानेले ४० औं मिनेटमा गोल गरेपछि पहिलो हाफमा लिभरपुलले २–० को अग्रता लियो । दोस्रो हाफमा पनि आर्सनलले थप दुई गोल खायो । ५७ औं मिनेटमा सालह तथा ७७ औं मिनेटमा स्टुरेजले गोल गर्दै लिभरपुलको ४–० को जित पक्का गरे ।

आर्सनलले खेलमा फर्किने केही प्रयास गरेको थियो । तर त्यो सार्थक हुन सकेन । लिगका तीन खेलमा आर्सनलले दुई खेल गुमाएको छ । तीन खेलमा दोस्रो जित दर्ता गरेको लिभरपुलको सात अंक भएको छ भने आर्सनलको मात्रै तीन अंक छ ।

Comments

प्रकाशित मिति : 2017-08-28

अरु समाचार

© NewsNepal 2018 - All Right Reserved.
newsnepal.com 2017.hlon.org