ताजा समाचार

भारतसँग नेपालको १०–० लज्जास्पद हार, च्याम्पियनसिपबाट बाहिरियो

खेलकुद
-
       

काठमाडौं, ४ पुस । नेपाल साफ यु १५ महिला फुटबल च्याम्पियनसिपबाट बाहिरिएको छ । लगातार दुई खेलमा लज्जास्पद हार बेहोर्दै नेपाल अन्तिम खेलअघि नै बंगलादेशमा जारी च्याम्पियनसिपबाट बाहिरिएको हो ।

मंगलबार भएको खेलमा नेपाल भारतसँग १०–० ले पराजित भएपछि फाइनल पुग्ने नेपालको सम्भावना समाप्त भएको थियो । पहिलो खेलमा आइतबार नेपाल बंगलादेशसँग ६–० ले पराजित भएको थियो ।

भारत र बंगलादेश लिग राउन्डको एक खेलअघि नै फाइनल पुगेका छन् । आजै भएको अर्को खेलमा आयोजक बंगलादेशले भुटानलाई ३–० ले हराएको थियो । भुटान पहिलो खेलमा भारतसँग ३–० ले पराजित भएको थियो ।

समान २ खेल जितेका बंगलादेश र भारत फाइनल प्रवेश गर्दा दुवै खेल हारेका नेपाल र भुटान च्याम्पियनसिपबाट बाहिरिएका छन् । लिग राउन्डको अन्तिम दिन बिहीबार च्याम्पियनसिपबाट बाहिरिएका नेपाल र भुटानबीच प्रतिस्पर्धा हुने छ भने अर्को खेल भारत र बंगलादेशबीच हुनेछ ।

Comments

प्रकाशित मिति : 2017-12-19

अरु समाचार

© NewsNepal 2018 - All Right Reserved.
newsnepal.com 2017.hlon.org