ताजा समाचार

पाकिस्तानलाई २०३ रनले पराजित गर्दै भारत फाइनलमा

खेलकुद
-
       

काठमाडौं, १६ माघ । भारत यु–१९ विश्वकप क्रिकेटको फाइनलमा पुगेको छ । मंगलबार न्यूजिल्यान्डको क्राइस्टचर्चमा भएको सेमिफाइनलमा पाकिस्तानलाई २०३ रनले पराजित गर्दै फाइनलमा प्रवेश गरेको हो ।

पहिले ब्याटिङ गरेको भारतले शुमन गिलको अविजित १०२ रनको मद्दतले ९ विकेटको क्षतिमा २७२ रन बनाएको थियो ।

जवाफमा पाकिस्तान २९ ओभर ३ बलमा अलआउट हुँदै ६९ रनमै समेटियो । अब उपाधिका लागि भारतले शनिबार अष्ट्रेलियासँग खेल्नेछ । अष्ट्रेलियाले सोमबार अफगानिस्तानलाई ६ विकेटले हराउँदै फाइनलमा ठाउँ बनाइसकेको छ ।

Comments

प्रकाशित मिति : 2018-01-30

अरु समाचार

© NewsNepal 2018 - All Right Reserved.
newsnepal.com 2017.hlon.org