चन्द्रागिरी हिल्स रिसोर्ट छिट्टै संचालनमा आउने

अर्थ र बाणिज्य

काठमाडाैं ४, साउन । चन्द्रागिरी हिल्स् रिसोर्ट केहि समयमा नै संचालनमा आउने भएको छ ।

चन्द्रागिरी हिल्स् कम्पनीका सञ्चालक अम्बिका प्रशाद पाैडेलले चन्द्रागिरी हिल्स रिसोर्ट छिट्टै संचालनमा आउने कुराको फेसबुक मार्फत जानकारी गराएका छन् ।

काठमाडाैंको दक्षिण-पश्चिममा अवस्थित चन्द्रागिरी पर्यटकिय हिसाबले एकदमै महत्वपूर्ण स्थान बन्न सफल भएको छ ।

चन्द्रागिरी डाँडा पर्यटकिय दृष्टिकोणले मात्र नभइ धार्मिक तथा ऐतिहासिक हिसाबले समेत उच्च महत्व राख्ने स्थानका रुपमा चिनिन थालेको छ । नेपालको आन्तरिक पर्यटनलाई प्रवर्द्धन गर्ने एवं बाहृय पर्यटकहरुको नेपाल बसाईलाई एकदिन लम्ब्याउने उद्देश्यले डाँडामा चन्द्रागिरी हिल्स लिमिटेडको स्थापना भएको हो ।

समुन्द्री सतहबाट करिव १,५०० मिटरको उचाईंमा रहेको चन्द्रागिरी फेदीबाट केबलकार चढेर २,५५१ मिटरको उचाईंमा अवस्थित ‘भालेश्वर महादेव’ को दर्शन गर्न सकिन्छ ।

म्यानुअल बालउद्यान, भ्यु टावर, रेष्टुरेन्टर, बहुउद्देश्यीय हलसहित निर्माण गरिएको चन्द्रागिरी डाँडाबाट राजधानी सहर, सगरमाथादेखि पश्चिममा काञ्जिरोवाहिमाल एवं अन्य हिमश्रृंखला सहित सिन्धुपाल्चोक, नुवाकोट, रसुवा, गोरखा, तनहुँ, मकवानपुर, चितवनका पहाडी क्षेत्रसमेत देख्न सकिन्छ ।

चन्द्रागिरी डाँडाको दक्षिणी भेगका टिस्टुङ, फाखेल, चित्लाङका रमणीय गाउँहरू स्पष्टरुपमा नियाल्न सकिन्छ । अपांङ्गमैत्री भौतिक संरचना यसको अर्को विशेषता हो ।

केहि दिन पहिले चन्द्रागिरीमा सम्पन्न आदिकवि भानुभक्त आचार्यको २०५औँ जन्मजयन्तीका अवसरमा मदन भण्डारी कला साहित्य प्रतिष्ठानले आयोजना गरेको त्रिदिवसीय बृहत् हिमवत्खण्ड कला साहित्य सम्मिलन–२०७५ अन्तर्गत चन्द्रागिरि सिर्जना यात्रामा प्रधानमन्त्री ओलीलगायत स्वदेश र विदेशका साहित्यकारहरु सिर्जनामा जुटेका थिए ।

जसमध्ये आेलीले लेखेको १० हरफको कविता ‘मरे पनि केही छैन, त्यसपछि पनि सपना देख्न पाउँ।’ खुव चर्चाको विषय बनेको थियो ।