दसैंका लागि उपत्यकामा ७० हजार खसीबोका भित्रिदै
काठमाडाैँ १९,भदाैं । यस वर्षको दसैंमा उपत्यकामा ७० हजार संख्यामा खसीबोका तथा च्याङ्ग्रा खपत हुने भएका छन् । दसैंमा खसीबोकाको खपत धेरै हुने हुँदा यो वर्ष झन्डै ७० हजार संख्यामा खसीबोका उपत्यकामा ल्याउने तयारी छ ।
दसैंमा अधिकांश नेपालीले मासु उपभोग गर्ने भएकाले पनि उपत्यकामा ठूलो संख्यामा खसीबोका खपत हुने भएको हो । गत वर्षको दसैंमा ५० हजार संख्यामा खसीबोका खपत भएका थिए । यो वर्ष गत वर्षको तुलनामा २० हजार बढी खसीबोका खपत हुने अनुमान व्यवसायीले गरेका छन् । चाडपर्व सुरु हुन थालेपछि बजारमा खसीबोका भित्रिने क्रम सुरु हुन थालेको छ ।
उपत्यकामा नियमित रूपमा खसीबोका बिक्री हुने भए पनि दसैंको धेरै संख्यामा खपत हने गर्छ । पछिल्लो समय मासु उपभोग गर्नेका संख्या बढ्दै गएकाले पनि यो वर्ष खसीबोका बढी खपत बढी हुने देखिएको व्यवसायीको भनाइ छ । यससँगै काठमाडौंमै दसैं मनाउनेको संख्या पनि बढिरहेको छ । सडकको दूरावस्था र यातायातको असहजताका कारण धेरैले काठमाडौंमै दसैं मनाउन थालेका छन् ।
यस वर्ष ५५ हजार संख्यामा खसीबोका र १० हजार संख्यामा च्याङ्ग्रा खपत हुने अनुमान गरिएको व्यवसायी दिपक थापाले बताए । “यो वर्ष अघिल्लो वर्षको तुलनामा खसीबोकाको खपत २० प्रतिशतले बढ्न देखिएको छ,” उनले भने, “खपत वृद्धिसँगै मूल्य बढेर आएकाले उपभोक्तालाई महँगो पर्ने देखिएको छ ।” गत वर्ष जिउँदो खसीको मूल्य प्रतिकेजी ५ सय २० देखि ५ सय २५ रुपैयाँ रहेकाले यो वर्ष बढेर केजीमा ५ सय ९० रुपैयाँ पुगेको उनको भनाइ छ । कुल खपत हुनेमध्ये ४० प्रतिशत स्थानीय उत्पादनले माग धान्ने गर्छ भने ६० प्रतिशत खसीबोका भारतबाट आउने गर्छ ।
दसैंमा व्यवसायीले विभिन्न जिल्लाबाट उपत्यकामा खसीबोका ल्याउने गर्छन् । च्याङ्ग्रा भने नेपालकै मुस्ताङ र छिमेकी चीनबाट ल्याउने गरिन्छ । स्थानीय उत्पादनले माग धान्न नसकेपछि व्यवसायीले ठूलो संख्यामा भारतका विभिन्न स्थानबाट खसीबोका ल्याउने गर्छन् । भारतको हरिद्वार, कानपुर, जस्मिनगर, बहरादलगायतका अन्य ठाउँबाट व्यवसायीले खसीबोका ल्याउने गर्छ । चाडपर्व सुरु भएसँगै बजारमा खसीबोकाको खपत बढ्ने गर्छ । दसैंको घटस्थापनादेखि बजारमा ठूलो संख्यामा खसीबोका भित्रिने गर्छन् ।
खाद्य संस्थानले २ हजार खरिद गर्ने
नेपाल खाद्य संस्थानले भने दसैंमा २ हजारमात्रै संख्यामा खसीबोका ल्याउने भएको छ । दसैंमा बजारमा खसीबोको खपत धेरै हुँदा निजी व्यवसायीले मनपरी मूल्य लिइ उपभोक्ता ठग्ने भएपछि बजार नियन्त्रण गर्नका लागि संस्थानले दुई हजा संख्यामा खसीबोका र च्याङ्ग्रा ल्याउन लागेको हो । संस्थानले १ हजार संख्यामा खसीबोका र १ हजार संख्यामा च्याङ्ग्रा ल्याउने तयारी गरेको हो । संस्थानले बजारमूल्य नियन्त्रण गर्न प्रत्येक वर्षको दसैंमा सहुलियदरमा बिक्री गर्दै आएको छ । संस्थानले उपभोक्तालाई राहत दिनका लागि बजार मूल्यभन्दा सस्तोमा खसीबोका बिक्री गर्ने गर्छ । संस्थानले दाङ, रूपन्देही र हेटौडाबाट खसीबोका र मुस्ताङबाट च्याङग्रा ल्याउने तयारी गरेको हो । गत वर्ष संस्थानले १ हजार ५ सय खसीबोका र १ हजार संख्यामा च्याङ्ग्रा ल्याएर बिक्री गरेको थियो । बजारमूल्य नियन्त्रण गर्नुका साथै उपभोक्तालाई सहुलियतदरमा उपलब्ध गराउनका लागि प्रत्येक वर्षको दसैंमा संस्थानले खसीबोका खरिद गरेर बिक्री गर्ने गर्छ ।
Comments
अरु समाचार
-
किसानलाई उद्यमशीलतासँग जोड्न मौरी घार वितरण
काठमाडौं । किसानलाई उद्यमशीलतासँग जोड्न स्याङ्जाको भिरकोट नगरपालिकाले गोलासहितका मौरी घार वितरण गरेको छ । गरिबी निवारणका लागि लघुउद्यम विकास...
-
दश महिनामा करिब एक्काइस अर्ब राजस्व सङ्कलन
काठमाडौं । नवलपरासी (बर्दघाट–सुस्तापूर्व)मा चालु आर्थिक वर्षको १० महिनामा करिब रु २१ अर्ब राजस्व सङ्कलन भएको छ । कोष तथा...
-
नेप्से परिसूचकमा झिनो अङ्कको बृद्धि
काठमाडौं । धितोपत्र बजारमा शेयर कारोबार मापक नेप्से परिसूचक आज झिनो अङ्कले उकालो लागेको छ । नेपाल स्टक एक्सचेञ्जका अनुसार,...
-
वीरगञ्ज सुक्खा बन्दरगाहबाट ४० अर्ब ८३ लाख राजस्व सङ्कलन
काठमाडौं । सुक्खा बन्दरगाह भन्सार कार्यालय वीरगञ्जले चालु आर्थिक वर्षको १० महिनामा रु ४० अर्ब तीन करोड ८३ लाख ३८...
-
‘सरकारमा रहँदा कांग्रेसले टी-स्टेटको जग्गा बेचेर कमिसन खायो, छानबिन हुनुपर्छ’
काठमाडौं । सत्तारुढ प्रमुख घटक नेकपा (एमाले) का अध्यक्ष एवं पूर्वप्रधानमन्त्री केपी शर्मा ओलीले तत्कालीन कांग्रेस नेतृत्वको सरकारले गिरीबन्धु टी-स्टेटको...
-
आगामी ५ वर्षमा आर्थिक वृद्धिदर ७.३ प्रतिशत पुर्याउने लक्ष्य
काठमाडौं । आगामी पाँच वर्षमा मुलुकको आर्थिक वृद्धिदर ७.३ प्रतिशत पु¥याउने लक्ष्य राखिएको छ । राष्ट्रिय योजना आयोगले आज यहाँ...
-
सोह्रौँ योजना कार्यान्वयन गर्न अनुमानित लागत रु एक सय ११ खर्ब
काठमाडौं । सोह्रौँ योजना कार्यान्वयनका लागि करिब रु एक सय ११ खर्ब लागत अनुमान गरिएको छ । राष्ट्रिय योजना आयोगले...
-
नेप्से परिसूचक नौ दशमलव ५४ अङ्कले घट्यो
काठमाडौं । नेपाल स्टक एक्सचेञ्ज (नेप्से) परिसूचकमा नौ दशमलव ५४ अङ्कको गिरावट देखिएको छ । आज परिसूचक शून्य दशमलव ४७...
-
प्रतितोला एक हजार रुपैयाँले बढ्यो सुनको मूल्य
काठमाडौं । नेपाली बजारमा बुधबार सुनको मूल्य बढेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा १...