सभामुख महराले किन गरे आफ्ना विरुद्ध नारा नलगाउन विपक्षी सांसदलाई रुलिङ ?

बागमती प्रदेश

- न्युज-नेपाल

काठमाडाैँ । प्रमुख प्रतिपक्षी दल नेपाली कांग्रेस र अर्काे प्रतिपक्षी दल राष्ट्रिय जनता पार्टी नेपालले बुधबार पनि संसदमा अवरोध गरेका छन्।

संसदीय समिति गठनको माग गर्दै उनीहरुले केही दिनदेखि सदन अवरुद्ध गर्दै आएका छन्।

आज पनि सभामुख कृष्णबहादुर महराले संसद बैठक सुरु गर्ने वित्तिकै नेपाली कांग्रेस र राजपाका सांसदहरुले उठेर विरोध गरेका थिए। विरोधमा उठेलगत्तै सभामुख महराले बसेर सदनको कारबाही अगाडि बढाउन सहयोग गरिदिन पटकपटक आग्रह गरे। तर उनीहरुले अटेर गरेपछि कारबाही अगाडि बढाउँदै शून्य समयका लागि समय दिए।

लगत्तै प्रतिपक्षी का‌ंग्रेस र राजपाका सांसद बेल घेर्न पुगे र नारावाजी गर्न थाले। संसदीय सर्वोच्चता कायम गर्न माग गर्दै उनीहरुले नारा लगाइराख्दा सभामुख महराले माइक भने बन्द गरिदिएका थिए।

उनीहरुले प्रहरीले दोहोरो भिडन्तमा मारिएको दावी गरेका नेत्रविक्रम चन्द विप्लवका नेता कुमार पौडेल लगायतको गैरन्यायिक हत्याको छानविन गर्न समिति गठन हुनुपर्ने माग गर्दै आएका छन्।

त्यस्तै असार १५ गते पूर्वपश्चिम राजमार्गमा पर्ने सर्लाही जिल्लाको बाँके चोकमा विरोध प्रदर्शनमा प्रहरीको गोलीबाट मृत्यु भएका ईश्वरपुर नगरपालिका वडा नं १३ का २६ वर्षीय सरोज नारायण सिंहको मृत्यु भएको थियो।

सर्लाही र महोत्तरीको सीमामा रहेको बाँके नदीमा बालुवा गिट्टी निकाल्न खनेको खाल्डोमा डुबेर स्थानीय बालक १२ वर्षीय अमृत रायको मृत्यु भएको थियो।

यी दुई घटनामा उनीहरुले संसदीय छानविन हुनुपर्ने भन्दै आएका छन्।

तर सरकारले यसको आवश्यकता नभएको भन्दै आएको छ। उनीहरुले भने सत्यतथ्य छानविन गर्न समिति गठन हुुनुपर्ने माग गरेका छन्।