ताजा समाचार

काजकस्तानमा विमान दुर्घटना हुँदा १४ जनाको मृत्यु, ३५ घाइते

विश्व प्रवास
-
       

एजेन्सी । कजाकस्तानमा बेक एअरलाइनको हवाई जहाज दुर्घटनामा ज्यान गुमाउनेकाे सङ्ख्या १४ पुगेकाे छ ।

अल्माटी विमानस्थलमा टेक अफ् गर्ने क्रममा हवाई जहाज दुई तले भवनमा ठोक्किएर दुर्घटना भएको थियाे । हवाई जहाजमा ९८ जना यात्रु र चालक दलका सदस्य  रहेको अधिकारीहरुले बताएका छन् ।

दुर्घटनामा आठ जना बालबालिकासहित ३५ जना घाइते भएका छन् । घाइतेहरुलाई उपचारकाे लागि स्थानीय अस्पतालमा लगिएकाे छ ।

अहिले घटनास्थलमा आपतकालीन सेवा सञ्चालन गरिएको छ । दुर्घटनाग्रस्त विमान कजाकस्तानको ठूलो शहर अल्माटीबाट राजधानी नुरसुल्तान जाने क्रममा थियो ।

हवाई जहाजमा आगाे लागेकाे कुनै समाचार प्राप्त भएकाे छैन । हवाई जहाज स्थानीय समयअनुसार ७:२२ मा दुर्घटना भएकाे थियाे ।

अधिकारीहरुका अनुसार हवाई जहाज दुर्घटनाकाे जाँच गर्न एउटा दल गठन गरिनेछ ।

Comments

प्रकाशित मिति : 2019-12-27

अरु समाचार

© NewsNepal 2018 - All Right Reserved.
newsnepal.com 2017.hlon.org