आईएमईको ‘डबलको डबलको डबल’को बम्पर उपहार, डेढ लाख पठाउने दाहालले पाए साढे १२ लाख

अर्थ र बाणिज्य

- न्युज नेपाल

काठमाडौं । आइएमईको डबलको डबलको डबलको बम्पर उपहार पाउने विजेता घोषणा गरेको छ । बिहीबार राजधानीमा आयोजित एक कार्यक्रममार्फत विजेता घोषणा गरेको हो ।

जसमा दुबईबाट आइएमईमार्फत् १ लाख ५६ हजार ५५८ रुपैयाँ रेमिट्यान्स पठाउने दोखलाका जीवेश दाहालले बम्पर उपहार प्राप्त गरेका छन् । दाहालले बम्पर उपहार अन्तर्गत १२ लाख ५२ हजार ४६४ रुपैयाँ प्राप्त गरेका छन् ।

आईएमई ग्रुपका अध्यक्ष चन्द्र ढकाल र आईएमई रेमिटका ब्राण्ड एम्बेस्डरद्वय दीपकराज गिरी र दीपाश्री निरौलाले लक्की ड्रमार्फत् विजेता घोषणा गरेका थिए ।

सोही अवसरमा दोखलामा रहेकी विजेता दाहालकी श्रीमतिलाई ब्राण्ड एम्बेस्डरद्वयले फोन सम्पर्क गरी बधाई समेत दिएका थिए ।

आईएमर्ई रेमिटले दशैं, तिहार र छठ पर्वको अवसरमा ८ साता लामो ‘डबलको डबलको डबल’ अफर सञ्चालन गरेको थियो । जसमा प्रत्येक साता एक–एक जना विजेता समेत घोषणा गरिएको थियो ।

बिहीबारकै कार्यक्रममा ८औं हप्ताको विजेता समेत घोषणा गरिएको थियो । जसमा ८औं हप्ताको विजेता मुनाल क्षेत्री विजेता घोषणा भएका छन् ।

क्षेत्रीले आईएमईमार्फत् ४३ हजार रुपैयाँ रेमिट्यान्स पठाएकोमा ८६ हजार रुपैयाँ प्राप्त गरेका छन् । क्षेत्रीलाई कार्यक्रममै चेक प्रदान गरिएको थियो ।