विश्वप्रकाश शर्मा पनि गगनसँगै कांग्रेसको महामन्त्रीमा विजयी

राजनीति

- न्युज नेपाल

काठमाडौं । नेपाली कांग्रेसको महामन्त्रीमा विश्वप्रकाश शर्मा निर्वाचित भएका छन्।

सानेपास्थित केन्द्रीय कार्यालयमा भएको मतगणनामा प्रकाशमान श्रेष्ठ प्यानलबाट महामन्त्रीमा उम्मेदवारी दिएका उनले शेबहादुर देउवाको प्‍यानलबाट उम्मेदवार बनेका प्रकाशशरण महत र प्रदीप पौडेललाई पछि पार्दै महामन्त्रीमा निर्वाचित भएका हुन्।

महामन्त्री पदका लागि विश्वप्रकाशको पहिलो प्रयासमै सफलता हासिल गरेका हुन्। देउवाले अवसर नदिएपछि शेखर कोइरालाको टिममा पुग्दा पनि विश्वप्रकाशले महामन्त्रीमा टिकट पाएका थिएनन्। त्यसपछि एक्लै उम्मेदवारी दिन गएका उनलाई प्रकाशमानले साथ दिएका थिए।

यस्तै, शेखर कोइरालाको प्यानलबाट उम्मेदवार बनेका गगन थापा पनि पपुलर मतसहित विजय भएका छन्। गगनको विश्वप्रकाशको जितसँगै कृष्णप्रसाद सिटौलाको राजनीतिक भविष्य संकटमा परेको छ। सिटौला समूहबाट उम्मेदवार बनेका प्रदीप पौडेल महामन्त्रीको प्रतिस्पर्धामा चौथो भएका छन्।

महामन्त्रीमा निर्वाचित भएसँगै विश्वप्रकाशले प्रतिक्रिया दिँदै भने, ‘व्यक्तिको विजय पनि हैन। गुटको विजय पनि हैन। पार्टीको जित हो।’