एमसीसी आलटाल नगरी संसद्बाट पारित गरौँ : बाबुराम

राजनीति

- न्युज नेपाल

काठमाडौं । जनता समाजवादी पार्टी (जसपा)को संघीय परिषद्का अध्यक्ष डा. बाबुराम भट्टराईले अमेरिकी सहयोगसम्बन्धी परियोजना एमसीसी संसद्बाट पारित गर्नुपर्नेमा जोड दिएका छन् ।

उनले एमसीसी सर्वसम्मतिले संसद्बाट पारित गर्नुपर्ने र सबै दल एक भएर त्यसबारे जनतालाई बुझाउनुपर्ने बताएका हुन् ।

आइतबार राति ट्विट गर्दै उनले एमसीसीकै करण सत्ता गठबन्धन टुट्न नहुने पनि बताएका छन् ।

“एमसीसी सम्झौतालाई आलटाल नगरी सर्वसम्मतिले संसद्बाट पारित गरौँ । सबै एकमुख भएर जनतालाई बुझाऊँ । यही बहानामा प्रतिगमनविरोधी गठबन्धन नटुटोस्,” उनले लेखेका छन्, “यो प्रकरण नेपालका रूढिवादी ‘कम्युनिस्ट’का लागि घाँटीको हाड नबनोस् ! देश थप कंगाल बनेर जनसंख्या अरू नघटोस् ! शक्तिकेन्द्रहरूको चलखेलबाट देश बरबाद नहोस् !’

MCCसम्झौतालाई आळटाल नगरी सर्वसम्मतिले संसदबाट पारित गरौं! सबै एकमुख भएर जनतालाई बुझाऊॅ! यही वहानामा प्रतिगमनविरोधी गठबन्धन नटुटोस्। यो प्रकरण नेपालका रूढिवादी ‘कम्युनिष्ट’कालागि घाॅटीको हाड नबनोस्! देश थप कंगाल बनेर जनसॅख्या अरू नघटोस्! शक्तिकेन्द्रहरूको चलखेलबाट देश बरबाद नहोस्!

— Baburam Bhattarai (@brb1954) January 30, 2022