ताजा समाचार

प्रधानन्यायाधीशविरुद्धको महाअभियोग प्रस्तावमाथि चैत २ गते छलफल हुने

राजनीति
- न्युज नेपाल
       

काठमाडौं । निलम्बित प्रधानन्यायाधीश चोलेन्द्रशमशेर जबराविरुद्धको महाअभियोग प्रस्तावमाथि आउँदो चैत २ गते बस्ने प्रतिनिधिसभा बैठकमा छलफल हुने भएको छ ।

आइतबारको प्रतिनिधिसभा बैठकमा महाअभियोग प्रस्ताव पेस गरिएको थियो । सभामुख अग्निप्रसाद सापकोटाले चैत २ गते बस्ने बैठकमा महाअभियोग प्रस्तावमाथि छलफल हुने जानकारी गराए ।

आइतबारको बैठकमा नेकपा (माओवादी केन्द्र)का प्रमुख सचेतक देव गुरुङले महाअभियोग प्रस्ताव छलफलका लागि प्रस्तुत गरेका थिए । संसद्मा रहेका दलहरू नेपाली कांग्रेस, नेकपा (माओवादी केन्द्र) तथा नेकपा (एकीकृत समाजवादी)का सचेतकहरू प्रस्तावक र ९५ सांसदको समर्थनमा जबराविरूद्ध यही फागुन १ गते महाअभियोग प्रस्ताव अघि बढाइएको थियो ।

राजनीतिक दलहरूले २१ बुँदामा विभिन्न आरोप लगाउँदै जबराविरुद्ध महाअभियोग प्रस्ताव संसद्मा प्रस्तुत गरेका हुन् ।

Comments

प्रकाशित मिति : 2022-03-13

अरु समाचार

© NewsNepal 2018 - All Right Reserved.
newsnepal.com 2017.hlon.org