विश्वकपमा आज : मोरक्को र स्पेन तथा पोर्चुगल र स्वीटजरल्यान्डको भिडन्त

खेलकुद

काठमाडौं । विश्वकप फुटबलमा आज (मंगलबार) दुई खेल हुँदैछन् । विश्वकपमा आज क्वाटरफाइनल चरण अघिका अन्तिम दुई खेल हुने भएका हुन् । दुवै खेलको विजेताले क्वाटरपाइनलमा प्रतिस्पर्धा गर्नेछन् ।

मोरक्को र स्पेनबीच एउटा खेल हुँदा अर्को खेल पोर्चुगल र स्वीटजरल्याण्डबीच खेल हुनेछ । आज दुई खेल सकिएपछि अन्तिम १६ को खेलहरु सकिने भएका छन् । यो योसँगै क्वाटरफाइनल चरण पूरा हुनेछ ।

मोरक्को र स्पेन बीचको खेल राति पौने ९ बजे सुरु हुनेछ । ३६ वर्षपछि नकआउट चरण पुग्ने क्रममा अपराजित रहेको मोरक्कोले समूह विजेता बन्ने क्रममा बेल्जियम र क्यानडालाई हराएको थियो भने क्रोएसियासँग बराबरी खेलेको थियो । त्यस्तै,स्पेनले कोस्टारिकालाई पराजित गर्दा जर्मनीसँग बराबरी खेलेको थियो भने जापानसँग पराजित भएको थियो ।

यता समूह एचको विजेता पोर्चुगल र समूह जीको उपविजेता स्वीटजरल्याण्डबीचको खेल मध्यराति पौने १ बजे सुरु हुनेछ । अन्तिम १६ मा युरोपका दुई टिम भिड्न लागेको यो दोस्रो खेल हो । यसअघि युरोपका दुई टोली फ्रान्स र पोल्याण्डले प्रतिस्पर्धा गरेका थिए, जसमा विजयी हुँदै फ्रान्स क्वाटरफाइनलमा पुगेको छ । नेदरल्याण्ड्स, अर्जेन्टिना, फ्रान्स, इंग्ल्याण्ड, क्रोयसिया र ब्राजिलले अन्तिम आठ अर्थात क्वाटरफाइनलमा पुगिसकेका छन् ।