ताजा समाचार

कांग्रेस महामन्त्री थापा र नेता कोइराला पक्षको बैठकमा जुटेन सहमति

राजनीति
- न्यूज नेपाल
       

काठमाडौं । नेपाली कांग्रेसका महामन्त्री गगन थापा र नेता शेखर कोइराला पक्षबीच बैठक बसेपनि सहमति जुट्न सकेको छैन । संसदीय दलको नेताको निर्वाचनमा साझा उम्मेदवार तय गर्ने विषयमा छलफल भएपनि सहमति जुट्न नसकेको जनाइएको छ ।

लाजिम्पाटस्थित होटल एम्बास्डरमा मंगलबार बिहान बसेको बैठक टुंगोमा नपुगेको जनाइएको छ । कोइराला र थापाबीच होटेल बसेरामा पुनः छलफल गर्ने भन्दै नेताहरु होटल एम्बास्डरबाट बाहिरिएका थिए । बैठकपछि कांग्रेस नेता अर्जुन नरसिंह केसीले आफूहरुको समूहबाट दुई जनाको उम्मेदवारी दर्ता नहुने बताए ।

कांग्रेसको संसदीय दलको निर्वाचनका लागि मंगलबार दिउँसो २ बजेदेखि ३ बजेसम्म मनोनयन दर्ता भएको छ । बुधबार बिहान ८ बजेदेखि निर्वाचन हुनेछ । मनोनयन दर्ताको समय अगाडि नै समझदारीमा पुग्ने प्रयासमा थापा र कोइराला पक्षका नेताहरु छन् ।

Comments

प्रकाशित मिति : 2022-12-20

अरु समाचार

© NewsNepal 2018 - All Right Reserved.
newsnepal.com 2017.hlon.org