ताजा समाचार

जिल्ला निर्वाचन कार्यालय खारेजीले निर्वाचनको निष्पक्षतामा प्रश्न उठ्छ : गगन थापा

राजनीति
- न्युज नेपाल
       

काठमाडाैँ । नेपाली कांग्रेसका महामन्त्री तथा सांसद गगनकुमार थापाले निर्वाचन कार्यालय खारेज गर्ने निर्णय फिर्ता लिन माग गरेका छन् ।

आज प्रतिनिधिसभा बैठकको शून्य समयमा बोल्दै उनले खर्च कटौतीको बहनामा निर्वाचन आयोगका जिल्ला कार्यालय खारेज गर्न नहुने बताएका हुन् । थापाले उक्त निर्णय फिर्ता लिन माग गरे ।

जिल्लास्थित निर्वाचन कार्यालय खारेज गरेमा निर्वाचनको निष्पक्षतामा प्रश्न उठ्ने भन्दै उनले १५ करोड बचत गर्नका लागि निर्वाचनको निष्पक्षतामा सम्झौता गर्नुपर्ने अवस्थामा पुगिसकेका हो त भनेर प्रश्न पनि गरेका छन् ।

सरकारले चालू खर्च कटौती गर्न २० भन्दाबढी सरकारी निकायहरु खारेज गर्ने निर्णय गरेको थियो । त्यसमा जिल्ला निर्वाचन कार्यालय खारेज गरेर जिल्ला प्रशासन कार्यालयको इकाइको रुपमा राख्ने र निर्वाचन कार्यालय प्रदेशमा मात्र रहने व्यवस्था गरिएको छ ।

Comments

प्रकाशित मिति : 2023-06-07

अरु समाचार

© NewsNepal 2018 - All Right Reserved.
newsnepal.com 2017.hlon.org