ताजा समाचार

पंचायतकालीन बजेटको पुनरावृति भयो : पृथ्वी सुब्बा गुरुङ

अर्थ र बाणिज्य
- न्युज नेपाल
       

काठमाडौं । नेकपा एमाले सांसद् पृथ्विसुब्बा गुरुङले बजेट पंचायतकालीन बजेटको पुनरावृतिको संज्ञा दिएका छन् ।

प्रतिनिधि सभामा बोल्दै सांसद् गुरुङले सामाजिक क्षेत्रको दायित्व पूरा गर्नेतर्फ बजेट केन्द्रित नै नभएको बताएका हुन्।

गुरुङले भने, ‘राज्यको शक्ति र स्रोतको अधिकार ७६१ वटा सरकारसँग छ भन्ने बजेटले भुलेको छ । यो बजेट एकात्मकबादी छ । संघीय लोकतान्त्रिक गणतन्त्रको मर्मलाई बजेटले भुलेको छ । यो पञ्चायतको बजेट जस्तै भयो । बहुदलकालको पुनरावृत्ति भयो । यो प्रगतिशील बजेट भएन ।’

नारा र निबन्धमा राम्रो बजेट भए पनि सही मार्ग समात्न नसकेको बताए । गुरुङले भने, ‘बजेटमा शिक्षा, स्वास्थ्य क्षेत्रमा लगानी गर्ने योजना छैन, संघीयतालाई सबल बनाउने लक्ष्य नै छैन । पुजिंगत खर्च बढाउने कुरा बजेटमा उल्लेख गरिए पनि कुरा मात्रै भयो।’

Comments

प्रकाशित मिति : 2023-06-08

अरु समाचार

© NewsNepal 2018 - All Right Reserved.
newsnepal.com 2017.hlon.org