वेस्टर्न युनियनले दसैं अफरमा कारोबारको १० गुणासम्म पुरस्कार दिने

अर्थ र बाणिज्य

- न्यूज नेपाल

काठमाडौं । वेस्टर्न युनियन मनी ट्रान्सफरले नेपालीहरुको महान चाड दसैं, तिहार र छठ पर्वको अवसरमा ‘दसैंमा दश गुणा अभियान’ जारी गरेको छ । पर्वको उत्सवमा ग्राहकहरुलाई खुसी बनाउने लक्ष्यसहित यो योजना ल्याएको वेस्टर्न युनियन मनी ट्रान्सफरले जनाएको छ।

कम्पनीका अनुसार यस योजनामा सहभागी हुनका लागि, ग्राहकहरुले नेपालका सबै ७७ जिल्लाहरुमा फैलिएका वेस्टर्न युनियन मनी ट्रान्सफर सेवाका पन्ध्र हजारभन्दा बढी भुक्तानी काउन्टरहरुमध्ये कुनैबाट आफ्नो रेमिटेन्स प्राप्त गर्नुपर्नेछ । अभियान अवधिका प्रत्येक कारोबारहरु स्वतः रुपमा साप्ताहिक र बम्पर ड्रको लागि समावेश हुनेछन् । यो योजना नेपालभर असोज ८ गते देखि सुरु भइ आगाी मंसिर १० गतेसम्म लागु हुनेछ ।

यस योजनाअन्तर्गत आठ हप्तासम्म ६४ भाग्यशाली ग्राहकहरुले पच्चिस हजार रुपैयाँसम्मको कारोबारमा दुई गुणा र सो भन्दा बढीको कारोबारमा पच्चिस हजार रुपैयाँ पुरस्कार पाउनेछन् । यसका साथै बम्परमा भाग्यशाली ग्राहकले एक लाख रुपैयाँसम्मको कारोबारमा दश गुणा प्राप्त गर्नेछन् ।

पचास हजार रुपैयाँभन्दा कम कारोबारमा निश्चित पुरस्कार पाँच लाख रुपैयाँ प्राप्त गर्नेछन् । यदि विजेताको कारोबार रकम एक लाखभन्दा बढी भएमा विजेताले निश्चित पुरस्कार रकम दश लाख रुपैयाँ प्राप्त गर्ने कम्पनीले जनाएको छ ।