ताजा समाचार

राष्ट्रपति पौडेलद्वारा जगन्नाथ रथयात्रा शुभारम्भ

breaking news
-
       

काठमाडौं । राष्ट्रपति रामचन्द्र पौडेलले नेपाल अन्तर्राष्ट्रिय कृष्ण भावनामृत सङ्घ (इस्कोन) द्वारा आयोजित जगन्नाथ रथयात्रा महोत्सवको शुभारम्भ गरेका छन्।

राष्ट्रपति पौडेलले आइतबार कमलादीस्थित नेपाल प्रज्ञा–प्रतिष्ठान परिसरमा आयोजित एक समारोहमा महोत्सवको शुभारम्भ गरेका हुन्।

सो अवसरमा राष्ट्रपति पौडेलले भगवान् जगन्नाथको पूजाअर्चना गरेका थिए। इस्कोनले प्रत्येक वर्ष आषाढ शुक्ल द्वितीयाका दिन काठमाडौंमा रथयात्रा गर्दै आएको छ।

द्वापरयुगमा गोपिनीहरुले द्वारकाबाट श्रीकृष्णलाई रथयात्रा गरी वृन्दावन लगेको सम्झनामा नेपालमा सन् १९७७ देखि यो यात्रा गर्न थालिएको इस्कोनका सचिव रुपेश्वर गौरवदासले जानकारी दिए। आजका दिन नेपाललगायत एक सय ६५ देशमा रथ यात्रा आयोजना गरिएको उनले सुनाए।

Comments

प्रकाशित मिति : 2024-07-07

अरु समाचार

© NewsNepal 2018 - All Right Reserved.
newsnepal.com 2017.hlon.org