ताजा समाचार

बागलुङमा बाढीले बगाउँदा दुई जनाको मृत्यु, एक बेपत्ता

Breaking News
-
       

काठमाडौं । बागलुङ नगरपालिका–४ बान्द्रे खोलामा गएराति आएको बाढीले बगाउँदा दुई जनाको मृत्यु भएको छ भने एक जना बेपत्ता भएका छन्।

बाढीले कुँडुलेदेखि मालिका जाँदै गरेको ध २ प ८०१० नम्बरको मोटरसाइकल र ध १ प ९९९६ नम्बरका स्कुटर बगाउँदा उनिहरुको मृत्यु भएको हो ।

मोटरसाइकल र स्कुटर बगाउँदा बागलुङ –४ बान्द्रे अढाइथरका २३ वर्षीय अर्जुन सापकोटा र सोही ठाउँका २२ वर्षीय अवेशिक रेग्मीको मृत्यु भएको जिल्ला प्रहरी कार्यालय बागलुङका प्रहरी निरीक्षक प्रताप पौडेलले जानकारी दिएका छन्।

बाढीमा परी सोही गाउँका २० वर्षीय कमल सापकोटा बेपत्ता भएको प्रहरी निरीक्षक पौडेलले बताए। सापकोटा र रेग्मीको शव करिब दुई सय मिटर तल फेलापरेको थियो। भेटिएका शव परीक्षणका लागि धौलागिरि अस्पताल बागलुङमा लगिएको समेत प्रहरी निरीक्षक पौडेलले जानकारी दिएका छन्।

बेपत्ता कमलको खोजी भइरहेको छ। अहिले पनि वर्षा भइरहेको हुँदा खोजीमा समस्या भएको छ।

Comments

प्रकाशित मिति : 2024-09-06

अरु समाचार

© NewsNepal 2018 - All Right Reserved.
newsnepal.com 2017.hlon.org